05.10.2026 | 20:12
Արաղչին Միրզոյանին հայտնել է Իրանի պատրաստակամությունը՝ շարունակել բազմակողմ համագործակցությունը, այդ թվում՝ 3+3 ձևաչափով
Դատավոր Նաիրա Գրիգորյանի ամուսինը 6 տարի շարունակ հայտարարագիր չի ներկայացրել․ ԿԿՀ-ն նոր է պարզել և տուգանել
Հասարակություն
20.10.2025 | 13:09
Կոռուպցիայի կանխարգելման հանձնաժողովը միայն այս տարի է պարզել, որ Արմավիրի առաջին ատյանի ընդհանուր իրավասության դատարանի դատավոր Նաիրա Գրիգորյանի ամուսինը՝ Արտակ Պողոսյանը, 2019-2024 թվականներին հայտարարագրեր չի ներկայացրել։
Հիշեցնենք՝ Նաիրա Գրիգորյանը Ազգային ժողովի նախկին պատգամավոր, գեներալ Մանվել Գրիգորյանի դուստրն է։
Factor.am-ն ուսումնասիրել է ԿԿՀ-ի որոշումները։ Դրանցից պարզ է դառնում, որ հանձնաժողովը 30 օր ժամանակ է տվել Արտակ Պողոսյանին հայտարարագրերը ներկայացնելու համար, սակայն դրանք այդպես են չեն տրամադրվել։ Հարուցված 6 վարույթներից և ոչ մեկով նա պարզաբանումներ չի ներկայացրել։
Հանձնաժողովը պարզել է, որ Նաիրա Գրիգորյանը և Արտակ Պողոսյանը ամուսնացել են 2002 թվականին, ամուսնալուծության վերաբերյալ տվյալներ չկան, հետևաբարա նա պետք է սահմանված ժամկետում հայտարարագրերը ներկայացներ։
Հայտարարագիր չներկայացրած յուրաքանչյուր տարվա համար Պողոսյանը տուգանվել է 200 հազար դրամի չափով, ընդհանուր՝ 1,2 միլիոն դրամ։
Եվգենյա Համբարձումյան
