12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
«Մեր ձևով» շարժումն ուխտագնացություն է կազմակերպել դեպի Էջմիածին՝ հաջակցություն եկեղեցու
Քաղաքականություն
19.10.2025 | 18:40
«Մեր ձևով» շարժումն այսօր ուխտագնացություն է նախաձեռնել դեպի Էջմիածին՝ հաջակցություն Հայ Առաքելական եկեղեցու։
«Այսօր ուխտի ենք եկել Մայր Աթոռ՝ ևս մեկ անգամ ցույց տալու, որ հայ ազգը եկեղեցու կողքին է»,- ասաց «Մեր ձևով» շարժման անդամ Ալիկ Ալեքսանյանը։
Նա նշեց, որ առաջիկայում ևս նման ակցիաներ են կազմակերպելու։
«Ամենօրյա ռեժիմով փորձելու ենք հասկացնել իշխանություններին, որ ուղղակի հեռու մնացեք եկեղեցուց»,- մայր տաճարի բակում լրագրողների հետ զրույցում ասաց «Մեր ձևով» շարժման անդամ, «Հայաստանի էլեկտրական ցանցեր»-ի գլխավոր տնօրենի նախկին պաշտոնակատար Դավիթ Ղազինյանը։
Ըստ նրա՝ ժողովուրդն այլևս չի հանդուրժում այս իշխանություններին։
«Այսօր պետք է ընդամենը ճիշտ կազմակերպում ճիշտ ուժի, մարդու կողմից, մնացածն ինքնըստինքյան կլինի։ Համոզված եմ, որ չեն մնալու, գնալու են»,- ասաց նա։
Անդրադառնալով եկեղեցու և հոգևորականների հետ կապված վերջին իրադարձություններին՝ Ղազինյանը նշեց, որ հարյուր հազարավոր հավատացյալներ պատրաստ են պաշտպանել եկեղեցին՝ ինչպես իրենց տները։
«Մենք պաշտպանելու ենք եկեղեցին, ինչպես կպաշտպանենք մեր տները, եթե ոչ ավելի ակտիվ։ Սա միայն մեր շարժմանը չի վերաբերում, հավատացեք՝ կան հարյուր հազարավոր հավատացյալներ, որոնք հասկանում են՝ եկեղեցին ինչ է»,- վստահեցրեց նա։
Եվգենյա Համբարձումյան
