12.01.2026 | 19:25
Մարիո Բալոտելին նոր ակումբ ունի․ ԼՈՒՍԱՆԿԱՐ
Համակարգում կարող է լինել միայն մեկ արտոնյալ և այդ մեկը բարեվարք, անկաշառ և պրոֆեսիոնալ քրեակատարողական ծառայողն է․ Սրբուհի Գալյան
Հասարակություն
19.10.2025 | 17:09
Արդարադատության նախարար Սրբուհի Գալյանը շնորհավորական ուղերձ է հղել Քրեակատարողական ծառայության 106-րդ տարեդարձի և ՔԿ ծառայողի մասնագիտական օրվա կապակցությամբ։
«Քրեակատարողական ծառայության հարգելի´ աշխատակիցներ,
Շնորհավորում եմ ձեզ մասնագիտական օրվա և ծառայության հիմնադրման 106-րդ տարեդարձի կապակցությամբ։
Սիրելի´ ծառայողներ, դուք իրականացնում եք մի աշխատանք, որը պահանջում է բարձր պատասխանատվություն, կարգապահություն և նվիրում։ Ձեր ծառայությունը կարևոր դեր ունի արդարադատության համակարգի կայացման և հասարակության անվտանգության ապահովման գործում։
Բազմիցս ընդգծել եմ, որ քրեակատարողական ծառայության համակարգում կարող է լինել միայն մեկ արտոնյալ և այդ մեկը բարեվարք, բարեխիղճ, անշահախնդիր, անկաշառ և պրոֆեսիոնալ քրեակատարողական ծառայողն է։
Կցանկանամ, որ այս միտքն ընդունեք ի գիտություն և այն դարձնեք ձեր ամենօրյա աշխատանքի կարգախոսը:
Շնորհակալություն եմ հայտնում ձեր նվիրվածության և հետևողական աշխատանքի համար։
Շնորհավո՜ր տոնդ, քրեակատարողական ծառայող»,-նշվում է ուղերձում:
