19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Երևանի ավագանին կքննարկի Լենինգրադյան փողոցը Քըրք Քըրքորյանի անունով կոչելու նախագիծը
Քաղաքականություն
17.10.2025 | 19:14
Factor.am-ը գրել էր, որ Երևանի ավագանու «Հանրապետություն» խմբակցությունն «Ակտիվ քաղաքացի» հարթակում շրջանառել է նախագիծ, որով առաջարկվում է Երևան քաղաքի Աջափնյակ և Մալաթիա-Սեբաստիա վարչական շրջանների Լենինգրադյան փողոցն անվանափոխել բարերար Քըրք Քըրքորյանի անվամբ։
Նախագիծն ընդգրկվել է Երևանի ավագանու հոկտեմբերի 23-ի նիստում։ Հիմնավորման մեջ նշվում է, որ Լենինգրադյան փողոցը մինչ օրս կրում է խորհրդային անցյալը խորհրդանշող անվանում։
«Անգամ Ռուսաստանի Դաշնությունում արդեն տարիներ շարունակ Լենինգրադ անվանումը որպես վարչատարածքային միավոր գոյություն չունի (քաղաքն արդեն վերանվանվել է Սանկտ Պետերբուրգ)։ Հաշվի առնելով վերոգրյալը և ղեկավարվելով «Երևան քաղաքում տեղական ինքնակառավարման մասին» օրենքի 12-րդ հոդվածի 1-ին մասի 23-րդ կետի դրույթներով, Հայաստանի Հանրապետության կառավարության 2005 թվականի դեկտեմբերի 29-ի N2387-Ն որոշմամբ հաստատված կարգի 4-րդ կետով՝ Երևան քաղաքի ավագանու քննարկմանն է ներկայացվում սույն որոշման նախագիծը»,- նշվում է նախագծի հիմնավորման մեջ:
Այն մշակվել է խմբակցության ղեկավար Անի Խաչատրյանի, անդամներ Մհեր Բեջանյանի, Հայկ Սահակյանի, Արմեն Մկրտչյանի, Հարություն Մանվելյանի, Գոհար Բալդրյանի, Նելլի Ղարդյանի և Լինա Ղշյանի կողմից։ Նախագիծը կընդունվի, եթե ավագանու մեծամասնությունը կողմ քվեարկվի։
Արփի Հակոբյան
