08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Չեմ համագործակցում ո՛չ Հայաստանում, ո՛չ էլ Թուրքիայում որևէ կուսակցության հետ․ Տարոն Աճեմօղլուն՝ «Մեր ձևով» շարժմանը միանալու մասին
Քաղաքականություն
17.10.2025 | 17:06
Ռուսաստանբնակ գործարար Սամվել Կարապետյանի կողմից հիմնադրված և Հայաստանում քաղաքական կուսակցություն ձևավորելու գործընթացում գտնվող «Մեր ձևով» շարժման՝ վերջերս կայացած հանդիպման ժամանակ տարածվել է Նոբելյան մրցանակի դափնեկիր, հայտնի տնտեսագետ Տարոն Աճեմօղլուի կողմից ուղարկված տեսաուղերձ, որում նշվում է, որ նա կդառնա շարժման խորհրդատուներից մեկը։ Այս մասին ասվում է Agos-ի անդրադարձում։
Աճեմօղլուի ելույթից առաջ շարժման առաջնորդներից Նարեկ Կարապետյանը հայտարարել էր, որ Աճեմօղլուն կմասնակցի որպես խորհրդատու և փորձագետ Հայաստանի տնտեսական զարգացման ծրագրին, որը շարժումը կմշակի։
«Արհեստական բանականությունը և դրա ստեղծած հնարավորությունները կարևոր են Հայաստանի զարգացման համար, և ներառական և հաշվետու ինստիտուտների ստեղծումը կարևոր է»,- տեսաուղերձում ասել էր Աճեմօղլուն։
Այս զարգացումից հետո Հայաստանի լրատվականանները տեղեկություններ էին հրապարակել՝ պնդմամբ, որ Աճեմօղլուն միացել է Կարապետյանի շարժմանը։
Agos-ի հարցմանն ի պատասխան՝ Տարոն Աճեմօղլուն ասել է. «Ես չեմ աշխատում ո՛չ Հայաստանում, ո՛չ էլ Թուրքիայում որևէ կուսակցության հետ։ Ես ուղերձ եմ ուղարկել նրանց համաժողովի վերաբերյալ, բայց ես որևէ կապ չունեմ կուսակցության հետ»։
Թարգմանությունը՝ Էմմա Չոբանյանի
