18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Քրիստինե Գրիգորյանը մասնակցել է ԱՊՀ հատուկ ծառայությունների ղեկավարների հանդիպմանը
Քաղաքականություն
17.10.2025 | 15:14
2025 թվականի հոկտեմբերի 17-ին Սամարղանդում տեղի է ունեցել ԱՊՀ անդամ պետությունների անվտանգության և հետախուզության ծառայությունների ղեկավարների 21-րդ խորհրդակցությունը: Միջոցառմանը մասնակցել են Հայաստանի, Ադրբեջանի, Բելառուսի, Ղազախստանի, Ղրղզստանի, Ռուսաստանի, Տաջիկստանի, Թուրքմենստանի և Ուզբեկստանի հատուկ ծառայությունների պատվիրակությունները։
Հանդիպման լուսանկարներից պարզ է դառնում, որ հավաքին Հայաստանը ներկայացրել է Արտաքին հետախուզության ծառայության պետ Քրիստինե Գրիգորյանը։
Հաղորդվում է, որ քննարկվել են անցած տարվա համագործակցության արդյունքները, հատուկ ծառայությունների ջանքերի համակարգման հետ կապված արդիական հարցեր, որոնք ուղղված են Համագործակցության պետություններում ներքաղաքական կայունությունը խաթարելուն ուղղված միջազգային ապակառուցողական ուժերին հակազդելուն։
Միջոցառման արդյունքներով ստորագրվել է հուշագիր, որով վերահաստատվել է գործող փոխգործակցության մեխանիզմի հետագա կատարելագործման և համագործակցության ձևերի ու ոլորտների ընդլայնման անհրաժեշտությունը՝ պետական շահերը պաշտպանելու և ԱՊՀ երկրների անվտանգությունն արտաքին բացասական ազդեցությունից ապահովելու համար։
Թարգմանությունը՝ Էմմա Չոբանյանի
