Հայաստանն աշխարհագրական առավելություններ ունեցող կամուրջ է Ասիայի և Եվրոպայի միջև. Ալկիս Դրակինոս

Լուրեր

21.11.2026 | 23:51
Դենիս Ջորկաեֆ. «Սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
Բոլորը

Հայաստանն Ասիայի և Եվրոպայի միջև աշխարհագրական առավելություն ունեցող կամուրջ է. Վերակառուցման և  զարգացման եվրոպական բանկը ցանկանում է օգտագործել այդ առավելությունները և շարունակական դարձնել ներդրումներն այդ ուղղությամբ։

«Արմենպրես»-ի հաղորդմամբ՝ այս մասին Հայաստանի ներդրումային խորհրդի կազմակերպած «Միջազգային առևտրի և ներդրումների ֆորում»-ի բացման ժամանակ նշեց Վերակառուցման և զարգացման եվրոպական բանկի (ՎԶԵԲ) Կովկասի տարածաշրջանի ղեկավար, տնօրեն Ալկիս Դրակինոսը։

Նրա բնորոշմամբ՝ բացի տարբեր ծրագրեր իրականացնելուց, ՎԶԵԲ-ը նաև ուշադրություն է դարձնում Հայաստանի ենթակառուցվածքներին:

«Մենք հետաքրքրված ենք միավորել ուժերը՝ աջակցելու Հայաստանի աշխարհագրական առավելություններին։ Հայաստանը Կովկասում է, իսկ Կովկասը կամուրջ է Ասիայի և Եվրոպայի միջև։ Մենք ուզում ենք աշխատել այս ուղղությամբ։  Մենք որոշ ներդրումներ ենք կատարել այս ոլորտում, ինչը շարունակական բնույթ կկրի»,-նշեց ՎԶԵԲ-ի Կովկասի տարածաշրջանի ղեկավար Ալկիս Դրակինոսը։

Նա իր խոսքում շեշտեց, որ ՎԶԵԲ-ն արդեն երկար ժամանակ է, ինչ գործունեություն է ծավալում Հայաստանում՝ ներգրավված լինելով տարբեր ծրագրերում և նախաձեռնություններում։

«Մինչ օրս մենք կարողացել ենք ավելի քան 2.5 միլիարդ եվրոյի չափով ներդրումներ կատարել։ Մեր իրականացրած նախագծերի թիվը շուտով կհասնի 250-ի։ Հիմա դրանք  235-ն են, և մենք ունենք հավակնոտ ծրագիր տարեվերջի համար»,-նշեց Ալկիս Դրակինոսը։

Վերջինիս բնորոշմամբ՝ Հայաստանը երկար ճանապարհ է անցել և այժմ կենսունակ տնտեսություն ունի, որը մեծ հեռանկարներ է բացում երկրի բնակչության և տարածաշրջանի համար՝ որպես կապի հանգույց և նաև որպես վերականգնվող էներգիայի աղբյուր՝ օգտագործելով իր բնական դիրքը, արևը, քամին և մարդկանց, որոնք Հայաստանի ամենակարևոր ռեսուրսն են։

Դրակինոսի խոսքով՝ ՎԶԵԲ-ը լսում է, թե ինչ պահանջարկ ունեն ընկերությունները յուրաքանչյուր երկրում, որտեղ կազմակերպությունը գործում է․ «Հայաստանում մենք բավականին լավ ենք աջակցում մասնավոր հատվածին։ Մենք կենտրոնանում ենք մասնավոր հատվածին աջակցելու վրա։ Ես շատ հպարտ եմ նրանով, ինչին մենք հասել ենք՝ աջակցելով Հայաստանի փոքր և միջին ձեռնարկություններին»,-ասաց նա: