31.10.2026 | 22:55
Հայտնաբերվել է զինծառայողի դի. ՊՆ
ԵՄ-ն պատրաստ է իր գործիքները ներդնել «Թրամփի ուղի» նախագիծը և «Խաղաղության խաչմերուկ» նախաձեռնությունը կյանքի կոչելու համար․ ՏԵՍԱՆՅՈՒԹ
Հասարակություն
17.10.2025 | 11:39
«ԵՄ-ն պատրաստ է մասնակցել բոլոր ենթակառուցվածքային նախագծերին, որոնք տեղի են ունենալու այս տարածաշրջանում»,- այս մասին Սյունիքում լրագրողների հետ զրույցում նշեց ՀՀ-ում ԵՄ դեսպան Վասիլիս Մարագոսը` անդրադառնալով «Թրամփի ուղի» նախագծին։
«Իրադարձությունները և հանդիպումները, որոնք օգոստոսի 8-ին տեղի ունեցան Վաշինգտոնում, Եվրոպական միության կողմից ողջունվել են։ Մենք բոլոր հանդիպումների և հրապարակային միջոցառումների ժամանակ պատրաստակամություն ենք հայտնել աջակցելու այդ նախաձեռնություններին և կապակցվածությանն այս մարզում, ուստի՝ մենք պատրաստ են մեր գործիքները կիրառել և ներդնել ոչ միայն հենց այդ նախագծի շրջանակում, այլ նաև ամբողջ «Խաղաղության խաչմերուկ» նախաձեռնության համատեքստում, որը ողջունվել է ԵՄ-ի կողմից երկու տարի առաջ` դրա հայտարարումից ի վեր»,- ասաց ԵՄ դիվանագետը։
Դեսպանը նշել է, որ նախագծի շատ մանրամասներ դեռ պետք է հստակեցվեն, և ԵՄ-ն որպես վստահելի գործընկեր պատրաստ է աջակցել հայ ժողովրդին և Հայաստանի կառավարությանն այս գործընթացում։
«Նախորդ շաբաթ Բրյուսելում էի` «Գլոբալ դարպասներ» երկրորդ ժողովին, որտեղ մի շարք երկրների առաջնորդներ էին ներկա, նաև վարչապետ Փաշինյանը, և մենք քննարկեցինք, թե կապակցվածությունը ամբողջ Եվրոպայի, Կենտրոնական Ասիայի և Չինաստանի միջև ինչպես է զարգանալու առաջիկա ժամանակահատվածում և դա կներառի ամբողջ տարածաշրջանը, այդ թվում` Հայաստանը»,- նշեց ԵՄ դեսպանը։
Անի Թամրազյան
