Ջերմ ողջույննե՞ր, թե՞ մտահոգություն է փոխանցել Արամ Ա-ն. էական տարբերություն` կառավարության և Անթիլիասի հաղորդագրությունների միջև (Թարմացված)

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Մեծի Տանն Կիլիկիո Կաթողիկոս Արամ Ա-ի անունից Շահան արքեպիսկոպոս Սարգիսյանը Երևանում հանդիպել է վարչապետ Նիկոլ Փաշինյանի հետ։

«Արքեպիսկոպոսը Մեծի Տանն Կիլիկիո Կաթողիկոս Արամ Ա–ի անունից վարչապետ Փաշինյանին է նվիրել Արամ Ա–ի գահակալության 30-ամյակի առիթով հրատարակված հատորը։ Արքեպիսկոպոսը վարչապետ Փաշինյանին է փոխանցել նաև Արամ Ա կաթողիկոսի ջերմ ողջույններն ու օրհնությունը»,- նշված է ՀՀ կառավարության կողմից տարածված մամուլի հաղորդագրությունում։

Կառավարության կողմից տարածված ձևակերպումները, ըստ որոնց՝ Արամ Ա կաթողիկոսը «ջերմ ողջույններ ու օրհնություն» է փոխանցել Փաշինյանին, ուշադրություն են գրավում հատկապես այս օրերին Հայաստանում հոգևորականների դեմ իրականացվող գործընթացների ֆոնին։

ՀՀ կառավարության հաղորդագրությունից էականորեն տարբեր բովանդակությամբ հաղորդագրություն է տարածել Մեծի Տանն Կիլիկիո կաթողիկոսարանը։ Անթիլիասում գործող կաթողիկոսությունը հայտնում է, որ Փաշինյանի հետ հանդիպման ժամանակ Շահան արքեպիսկոպոս Սարգիսյանը Արամ Ա-ի անունից վարչապետին է փոխանցել իր մտահոգությունները հոգևորականների ձերբակալությունների հետ կապված։ Այս մասին հիշատակում չկա Փաշինյանի աշխատակազմի տարածած հաղորդագրությունում։

«Շահան սրբազան, յանուն Արամ Ա. Կաթողիկոսին, իր մտահոգութիւնը յայտնեց ներկայ կացութեան գծով եւ շեշտեց եկեղեցի-պետութիւն գործակցութեան կարեւորութիւնը։ Միաժամանակ ան արծարծեց հոգեւորականներու ձերբակալութեան հարցը եւ այդ գծով անհրաժեշտ լուծումներ որոնելու հրամայականը»,- ասված է Անթիլիասի տարածած հաղորդագրությունում։ Միաժամանակ նույն աղբյուրից տեղեկանում ենք, որ Շահան արքեպիսկոպոս Սարգիսյանը հանդիպումներ է ունենալու նաև Ամենայն Հայոց կաթողիկոս Գարեգին Բ-ի, նախագահ Վահագն Խաչատուրյանի, ինչպես նաև Լևոն Տեր-Պետրոսյանի, Ռոբերտ Քոչարյանի և Սերժ Սարգսյանի հետ։

 

Այս հաղորդագրությունից կարճ ժամանակ անց՝ կեսգիշերին, Անթիլիասից ևս մեկ հաղորդագրություն տարածեցին։ Այս մի հաղորդագրությամբ Արամ Ա-ն ընդգծված քննադատում է հոգևորականների վերջին օրերի ազատազրկումները։ Այս հաղորդագրությունը տարածվեց այն բանից հետո, երբ ավելի վաղ հայտնի դարձավ, որ Արամ Ա-ի գիտությամբ Տ. Շահան Արք. Սարգսյանը հանդիպել է Փաշինյանին և փոխանցել նրա օրհնանքը։

«Ամիսներ առաջ, Ն.Ս.Օ.Տ.Տ Արամ Ա. Վեհափառ Հայրապետը հրապարակային կերպով դատապարտած էր հոգեւորականներու ձերբակալութիւնը եւ նոյնիսկ միջնորդներու ճամբով առաջարկած էր դադրեցնել այս ոչընդունելի երեւոյթը։ Նորին Սրբութիւնը այժմ հովուապետական այցելութեան մէջ ըլլալով եւ մօտէն իմանալով շարունակուող ձերբակալութիւնները, դարձեալ կը դատապարտէ այս անընդունելի երեւոյթը։ Միաժամանակ, Վեհափառ Հայրապետը պարտականութիւն տուած է այժմ մշակութային առաքելութեամբ Հայաստան գտնուող Գերշ. Տ. Շահան Արք. Սարգիսեանին, որ իր մտահոգութիւնն ու դատապարտումը փոխանցէ քաղաքական ու պետական պատասխանատուներուն եւ նոյնիսկ վարչապետին։ Վեհափառ Հայրապետին մօտեցումը այն է, թէ կարելի փութով պետութիւն֊եկեղեցի ներկայ վատառողջ վիճակը պէտք է վերջ գտնէ, եւ մեր ազգին ու Հայրենիքին գերագոյն շահերը կը պահանջեն, որ մեր ազգի երկու կարեւոր սիւներուն՝ պետութեան ու եկեղեցւոյ յարաբերութիւնը ըլլայ սերտ ու ամուր»,-ասված է հաղոդրագրությունում։

Հիշեցնենք՝  Արագածոտնի թեմի առաջնորդ Մկրտիչ եպիսկոպոս Պռոշյանը երկու ամսով կալանավորվել է։ Նա մեղադրվում է երկու հոդվածներով՝ ընտրական իրավունքին խոչընդոտելը՝ իշխանական կամ ծառայողական լիազորությունները օգտագործելով, և հավաքներին մասնակցելուն հարկադրելը՝ կրկին լիազորությունները օգտագործելով: Թեմի առաջնորդից զատ ձերբակալված են նաև Մուղնիի սուրբ Գևորգ եկեղեցու հոգևոր հովիվ Տեր Գարեգին քահանա Արսենյանը և Արագածոտնի թեմի առաջնորդարանի հաշվապահը։

Նարեկ Կիրակոսյան