19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Դեսպան Մկրտչյանը և արքայազն Աբդուլազիզ բին Թալալը քննարկել են վաշինգտոնյան փաստաթղթերից բխող ծրագրերը
Քաղաքականություն
16.10.2025 | 22:41
Հոկտեմբերի 16-ին դեսպան Նարեկ Մկրտչյանը հանդիպել է ԱՄՆ–արաբական հարաբերությունների ազգային խորհրդի (National Council on U.S.-Arab Relations) միջազգային խորհրդատվական կոմիտեի համանախագահ, Արաբական ծոցի զարգացման տարածաշրջանային հիմնադրամի (AGFUND) ղեկավար արքայազն Աբդուլազիզ բին Թալալին։ Այս մասին տեղեկացնում են ԱՄՆ-ում ՀՀ դեսպանությունից։
Հանդիպման ընթացքում կողմերը քննարկել են Վաշինգտոնում օգոստոսի 8-ին ստորագրված փաստաթղթերից բխող տնտեսական համագործակցության հնարավորությունները՝ հատուկ ուշադրություն դարձնելով տարբեր հարթակներում համատեղ նախաձեռնությունների զարգացման ուղղություններին։
Արքայազն Աբդուլազիզը նաև Կոնկորդիա գագաթնաժողովի ղեկավար խորհրդի անդամ է։ Այս համատեքստում զրուցակիցները մտքեր են փոխանակել Երևանի երկխոսության միջազգային համաժողովի և Կոնկորդիա գագաթնաժողովի միջև համագործակցության հնարավոր ձևաչափերի շուրջ։
