30.07.2026 | 10:45
ԵԱ. Շախմատի Հայաստանի Մ-18 հավաքականը հաղթել է Լեհաստանին
Ինժեներական քաղաքում տեղադրվել է Վինսենթ Ռոշի անվան առաջին աստղը
Հասարակություն
16.10.2025 | 19:55
Այսօր Ինժեներական քաղաքում հյուրընկալել եմ բարձր տեխնոլոգիաների ոլորտում համաշխարհային ներդրման համար ՀՀ պետական մրցանակի 16-րդ դափնեկիր, Analog Devices Inc. ընկերության (կապիտալիզացիան՝ 118 մլրդ դոլար) գործադիր տնօրեն և տնօրենների խորհրդի նախագահ Վինսենթ Ռոշին։ Այս մասին ֆեյսբուքյան իր էջում գրել է ԲՏԱ նախարար Մխիթար Հայրապետյանը:
«Ինժեներական քաղաքում իրականացրած շրջայցի ընթացքում Վինսենթ Ռոշը տեղում ծանոթացել է ենթակառուցվածքներին, տեխնոլոգիական ռեզիդենտ ընկերություններին, նրանց նախագծերին ու նորարարական լուծումներին։ Այնուհետև ի պատիվ Վինսենթ Ռոշի տեղադրվել է նրա անունը կրող առաջին աստղը։
Վինսենթ Ռոշի հետ ունեցած իմ հանդիպման ընթացքում ներկայացրել եմ Կառավարության ռազմավարական ծրագրերը՝ ուղղված բարձր տեխնոլոգիաների ոլորտի զարգացմանը։ Անդրադարձել ենք տեխնոլոգիական էկոհամակարգին, ոլորտում առկա մասնագիտական ներուժին և ոլորտի զարգացման մեր տեսլականին՝ ընդգծելով տեղական նորարարության, նոր լուծումների ստեղծման և գիտահետազոտական աշխատանքների իրականացման կարևորությունը։
Ամփոփելով՝ երկուստեք վերահաստատել ենք համագործակցության ուղիներն ընդլայնելու պատրաստակամությունը»,- գրել է նախարարը։
Նախօրեին տեղեկացրել էինք, որ վարչապետը բարձր տեխնոլոգիաների ոլորտում համաշխարհային ներդրման համար ՀՀ պետական մրցանակ է հանձնել Analog Devices Inc. (ADI) ընկերության գլխավոր գործադիր տնօրեն և տնօրենների խորհրդի նախագահ Վինսենթ Ռոշին:
