28.06.2026 | 22:27
Արման Թաթոյանի հրապարակած 2 ձայնագրությունների մասով վարույթ կա, մեղադրյալ չկա․ ՏԵՍԱՆՅՈւԹ
Երբ թունավոր ծխից խեղդվում է Երևանը․ ո՞վ է մեղավոր էկոլոգիական աղետի համար, ինչպե՞ս կանխել․ ՔՆՆԱՐԿՈւՄ
Քաղաքականություն
16.10.2025 | 21:00
Ողջ մայրաքաղաքը հեղձուցիչ ծխով ողողած Նուբարաշենի աղբավայրի հրդեհից շուրջ վեց օր անց գործով ձերբակալված չկա։ Երևանի քաղաքապետն էր դիմել ԱԱԾ-ին՝ կասկած հայտնելով, որ հրդեհը միտումնավոր է արվել։ Ըստ քաղաքապետարանի՝ աղբը սկսել է այրվել արտաքին հատվածից և հետո խորացել դեպի խորքերը։ Մինչ հրդեհը չեղարկել են համագործակցությունը աղբավայրը սպասարկող ընկերության հետ և գործառույթը փոխանցվել է քաղաքապետարանին: Բնապահպանները տարիներ շարունակ ահազանգում են՝ Նուբարաշենի աղբավայրը չի համապատասխանում բնապահպանական տարրական կանոններին, և լրջագույն առողջապահական խնդիր է Երևանի համար։
Հրդեհի պահին մինչ քաղաքապետը հատուկ ուղերձով փորձում էր հանգստացնել երևանցիներին, որ աղբավերամշակման գործարան են կառուցելու՝ խնդիրը հանգուցալուծելու համար, մարդիկ ստիպված էին փակ պահել պատուհանները՝ վտանգավոր թափոնների այրումից աղտոտված օդը չշնչելու համար: Թունավոր և քաղցկեղածին գազերով աղտոտվածության ամենաբարձր մակարդակը Երևանի կենտրոնում էր արձանագրվել։
Factor TV-ում հրավիրել ենք քննարկում այս թեմայով՝ հասկանալու մայրաքաղաքի էկոլոգիական խնդիրների ծագումը, և թե ինչ է անում քաղաքային իշխանությունը դրանք հաղթահարելու համար։ Քննարկմանն իրենց մասնակցությունը նախապես հաստատել էին քաղաքապետարանի պաշտոնյաներ, սակայն վերջին պահին նրանք հրաժարվեցին մասնակցությունից՝ այսպիսով, փաստորեն խուսափելով հաշվետու լինել քաղաքացիների նկատմամբ։
Քննարկմանը մասնակցել են Օլեգ Դուլգարյանը՝ «Համայնքային համախմբման և աջակցության կենտրոն» ՀԿ նախագահ, Նազելի Վարդանյանը՝ «Հայաստանի անտառներ» ՀԿ-ի տնօրեն, էկոլոգ-իրավաբան, Քրիստինե Վարդանյանը՝ Երևանի ավագանու անդամ, բժշկական գիտությունների թեկնածու, Էդուարդ Հայրումյանը՝ ակտիվիստ։
Հաղորդումն ամբողջությամբ՝ տեսանյութում։
Ռոբերտ Անանյան
