05.10.2026 | 20:12
Արաղչին Միրզոյանին հայտնել է Իրանի պատրաստակամությունը՝ շարունակել բազմակողմ համագործակցությունը, այդ թվում՝ 3+3 ձևաչափով
Դիմակավորված իրավապահները տարել են փաստաբան Ալեքսանդր Կոչուբաևին․ Ռուբեն Մելիքյան
Քաղաքականություն
16.10.2025 | 18:58
Իրավապահները քիչ առաջ Շենգավիթի դատարանի մոտից բիրտ ուժի կիրառմամբ տարել են փաստաբան Ալեքսանդր Կոչուբաևին։ Այս մասին Factor TV-ի հետ զրույցում ասաց փաստաբան Ռուբեն Մելիքյանը։
Մելիքյանի խոսքով՝ ինքն ու այլ փաստաբաններ Շենգավիթի դատարանի մոտ են եղել, երբ նկատել են, որ փողոցի հանդիպակաց հատվածում դիմակավորված իրավապահները կոշտ ուժի կիրառմամբ մի քաղաքացու իջեցրել են մեքենայից ու տարել։ Երբ շրջադարձ են կատարել ու մոտեցել այդ հատվածին, տեսել են, որ մեքենայի ապակիները բաց են, իսկ կողքին ոստիկաններ կան։ Ֆիքսել են մեքենայի համարներն ու շուտով պարզել, որ այն պատկանում է փաստաբան Կոչուբաևին։ Թե որտեղ է այժմ գտնվում Ալեքսանդր Կոչուբաևը, դեռևս հայտնի չէ։ Իրավապահ մարմիններն առայժմ այս առնչությամբ տեղեկություններ չեն հայտնում։
Արաքս Մամուլյան
