29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Հովիկ Աբրահամյանի պաշտպանը պահանջում է տրամադրել նրա վերաբերյալ վարույթի բոլոր նյութերը․ ՏԵՍԱՆՅՈՒԹ
Հասարակություն
16.10.2025 | 16:27
Հայաստանի նախկին վարչապետ Հովիկ Աբրահամյանի պաշտպանները պահանջում են իրենց տրամադրել Աբրահամյանի վերաբերյալ վարույթի բոլոր նյութերը։ Հակակոռուպցիոն դատարանում այսօր նշանակված դատական նիստի ընթացքում պաշտպան Երեմ Սարգսյանն ասաց, որ Հակակոռուպցիոն կոմիտեում քննվող, 47 հատորից բաղկացած գործից մաս է անջատվել ու 29 հատորով գործն ուղարկվել դատարան, սակայն իրենց՝ պաշտպանական կողմին հայտնի չէ, թե քննիչն ինչ սկզբունքով ու ինչ նյութերն է գնահատել որպես Հովիկ Աբրահամյանի մեղադրանքի վերաբերյալ նյութ։ Պաշտպանը նշեց, որ քննիչն իրենց փոխարեն չի կարող որոշել, թե գործի որ նյութն, ինչ նշանակություն կարող է ունենալ պաշտպանական կողմի համար և դատարանին միջնորդեց դիմել Հակակոռուպցիոն կոմիտե՝ պահաջելով տրամադրել գործի բոլոր նյութերը։
Հանրային մեղադրողը նշեց, որ Հովիկ Աբրահամյանի մեղադրանքին վերաբերող բոլոր նյութերը կցվել են դատարան ուղարկված վարույթին, ինչին ի պատասխան Երեմ Սարգսյանը դիտարկեց, որ օրենքով ոչ թե մեղադրանքի, այլ վարույթի վերաբերյալ բոլոր նյութերը պետք է կցվեն։ Դատարանը միջնորդության վերաբերյալ որոշումը կհրապարակի դատական հաջորդ նիստին։
Մանրամասները՝ տեսանյութում։
Արաքս Մամուլյան
