19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ԱՄՆ-ն պատժամիջոցներ կկիրառի Ադրբեջանի դեմ, եթե հրաժարվի օգոստոսի 8-ից, ՀՀ-ի դեմ ագրեսիայի գնա. Կոնգրեսում օրենքի նախագիծ կշրջանառվի. Ներսես Կոպալյան․ ՏԵՍԱՆՅՈՒԹ
Քաղաքականություն
16.10.2025 | 19:15
Հայաստանի և Ադրբեջանի նախագահները մասնակցեցին Շարմ Էլ Շեյխում նախագահ Թրամփի հրավիրած Գազայի հարցով խաղաղության գագաթնաժողովին։ Այն բանից հետո, երբ Դոնալդ Թրամփը մի քանի անգամ Հայաստանի և Ադրբեջանի անվանումները սխալ արտաբերեց, Փաշինյանի անունը չմտաբերեց, կոչելով «մյուս տղան», ՀՀ-ում որոշակի թերահավատություն է գեներացվում ընդդիմության կողմից, որ Թրամփի համար սա կարևոր ռեգիոն չէ, նա լուրջ չի վերաբերվում ՀՀ-Ադրբեջան պրոցեսին, ուր մնաց՝ երաշխավորի խաղաղություն նրանց միջև։
ԱՄՆ Նևադայի համալսարանի քաղաքագիտության պրոֆեսոր Ներսես Կոպալյանը Factor TV-ի հետ զրույցում ասում է, որ նախագահ Թրամփի մոռացկոտությունը անկարևորության ցուցիչ չէ։ Վերջերս էլ ՀՀ երկրորդ նախագահ Ռոբերտ Քոչարյանն իր ասուլիսում քննադատեց Փաշինյանին, պնդելով՝ որ նա ԱՄՆ-ից չի բերել խաղաղության երաշխիք, ավելին՝ ԱՄՆ-ին միջանցք է տրվել։
Կոպալյանն ասում է․ «Տգետ կարծիք է, որ ԱՄՆ-ն խլում է ՀՀ-ից միջանցք, ո՛չ, մեր շահերը համընկնում են պարզապես, պարոն Քոչարյանը սովոր է՝ ՌԴ-ի հետ շփվել ծառայի լոգիկայով։ Գաղտնիքը սա է՝ ՀՀ-ի և ԱՄՆ-ի շահերը համընկնում են, կօգնի մեզ սահմանային, անվտանգային կարողություններ ձևավորել, որ հսկենք մեր սահմանը։ ԱՄՆ-ն չի՛ վերահսկելու «Թրամփի ուղին», ՀՀ-ի հետ են որոշվելու հսկման մեխանիզմները, կեղծիք է միջանցք տալու ընդդիմության պնդումը»,- ասաց Ներսես Կոպալյանը։
ԱՄՆ կոնգրեսում շրջանառվելու է Խաղաղության ակտ կոչվող օրենքի նախագիծը, որը ենթադրում է պատժամիջոցներ Ալիևի ընտանիքի հանդեպ, եթե Ադրբեջանը հրաժարվի օգոստոսի 8-ի համաձայնությունների կատարումից։ Կոպալյանը, որը նախագծի համահեղինակներից է, մանրամասնեց․
«Եթե Ադրբեջանը հարձակվի ՀՀ-ի վրա, ԱՄՆ նախագահը պատժամիջոցներ կկիրառի, օրենքը կքննարկվի Կոնգրեսում, Պետդեպը համաձայն է։ ԱՄՆ-ն պատժամիջոցներ կկիրառի, եթե Ադրբեջանը հրաժարվի օգոստոսի 8-ից, ՀՀ-ի դեմ ագրեսիայի գնա, Կոնգրեսում օրենքի նախագիծ է շրջանառվում, և կա մեծ հավանակության դրա ընդունման»,- ասաց Ներսես Կոպալյանը։
Հարցազրույցն ամբողջությամբ՝ տեսանյութում։
Ռոբերտ Անանյան
