19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Հարցի պատասխանը կտա ժողովուրդը․ Փաշինյանը՝ Քոչարյանի հայտարարության մասին
Քաղաքականություն
16.10.2025 | 15:15
«Հարցի պատասխանը կտա ժողովուրդը»,- ճեպազրույցի ընթացքում այսպես արձագանքեց վարչապետ Նիկոլ Փաշինյանը՝ անդրադառնալով 2-րդ նախագահ Ռոբերտ Քոչարյանի պնդմանը, թե ութ ամսից կայանալիք խորհրդարանական ընտրություններում ընդդիմադիր ուժերից խորհրդարան կանցնեն իր առաջնորդած «Հայաստան» դաշինքը և միլիարդատեր գործարար, այժմ անազատության մեջ գտնվող Սամվել Կարապետյանի առաջնորդած ուժը: Ընդ որում, Քոչարյանը նշել էր՝ այս երկու ընդդիմադիր ուժերը հավականում են միասին ավելի շատ ձայն ստանալ խորհրդարանում, քան Նիկոլ Փաշինյանի «Քաղաքացիական պայմանագիր»-ը:
«2026-ի խորհրդարանական ընտրությունների ժամանակ ՔՊ-ն դիմելու է ժողովրդին՝ Հայատսանի կառավարման մանդատը ևս 5 տարի երկարացնելու հարցով։ Ինչ վերաբերում է շանսերին, դրա գնահատականը կտա ժողովուրդը»,- ասաց վարչապետը։
Փաշինյանի խոսքով՝ ընդդիմադիրները 2021-ի ընտրությունների ժամանակ էլ էին ասում, որ իրենք հաղթելու են, սակայն եղավ այն, ինչ եղավ։
«Հաղթեց ո՞վ, հաղթեց ժողովուրդը։ 100 տոկոսով կարող եք վստահ լինել, որ 2026 թվականի խորհրդարանական ընտրություններում նույնպես հաղթելու է ժողովուրդը»,-եզրափակել է վարչապետը։
