31.10.2026 | 22:55
Հայտնաբերվել է զինծառայողի դի. ՊՆ
Մեկ օրում հանրապետությունում բացահայտվել է 158 հանցագործություն
Հասարակություն
16.10.2025 | 12:34
ՀՀ ՆԳՆ ոստիկանության փոխանցմամբ, Ոստիկանության ստորաբաժանումները բացահայտել են 158 հանցագործություն:
Մասնավորապես, բացահայտվել է՝
52 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու.
12 դեպք՝ ֆիզիկական ներգործության.
11-ական դեպք՝ խարդախության, թմրանյութի հայտնաբերման.
10 դեպք՝ փաստաթուղթ կեղծելու.
8 դեպք՝ հոգեկան ներգործության.
6-ական դեպք՝ մարմնական վնասվածք պատճառելու, սառը զենքի հայտնաբերման.
5 դեպք՝ անձնական ունեցվածքի գողության.
3-ական դեպք՝ գույքը ոչնչացնելու կամ վնասելու, զենք- զինամթերքի առգրավման.
2-ական դեպք՝ շորթման, աշխատանքի պաշտպանության կանոնները խախտելու։
Բացահայտվել են նաև բնակարանային գողության, ավտոմեքենայի գողության, վստահված գույքի հափշտակման, համակարգչային հափշտակության, խուլիգանության, թմրանյութի իրացման, ինքնիրավչության, անձնական կյանքի գաղտնիությունը խախտելու, հողը փչացնելու և այլ դեպքեր։
Նախկինում կատարված հանցագործություններից բացահայտվել է՝
1-ական դեպք՝ խարդախության, բնակարանային գողության, համակարգչային հափշտակության։
Հայտնաբերվել է 7 հետախուզվող, կամավոր ներկայացել է 3-ը։
Գրանցվել է զենք-զինամթերքը կամավոր հանձնելու 1 դեպք։
Անցած 1 օրում գրանցվել է 17 ավտովթար․ 24 մարդ ստացել է տարբեր աստիճանի մարմնական վնասվածքներ։
