31.10.2026 | 22:55
Հայտնաբերվել է զինծառայողի դի. ՊՆ
Տեր Գարեգին քահանա Արսենյանը կալանավորվել է
Հասարակություն
16.10.2025 | 11:37
«Տեր Գարեգինի նկատմամբ մեկ ամիս ժամկետով որպես խափանման միջոց կիրառվեց կալանքը՝ ծայրաստիճան անորոշ մեղադրանքի և ակնհայտ անհիմն միջնորդության պայմաններում»,-այս մասին հայտնում է փաստաբան Պետրոս Պետրոսյանը։
«Տեր Գարեգինը մեղադրվում է, ընդամենը, միջին ծանրության հանցանքին առերեւույթ օժանդակելու մեջ եւ հետապնդվում է պարզապես քահանա հայր լինելու համար»,-նշել է նա։
Նշենք՝ Ն.Ս.Օ.Տ.Տ. Գարեգին Բ Ամնայն Հայոց Կաթողիկոսի Հայրապետական տնօրինությամբ Տեր Գարեգինը 2005 թ. նոյեմբերի 10-ից նշանակվել է Արագածոտնի Թեմում` ծառայության կոչվելով Սաղմոսավանքի հովվության հոգևոր հովիվ` համատեղությամբ զբաղեցնելով նաև Թեմի Դիվանապետի պարտականությունները:
Հիշեցնենք, որ երեկ Քննչական կոմիտեն խուզարկություն է իրականացրել Արագածոտնի թեմի առաջնորդարանում և թեմի տասնյակ հոգևորականների տարել քննչական կոմիտե: Թեմի առաջնորդ Մկրտիչ եպիսկոպոս Պռոշյանին մեղադրանք է առաջադրվել, ապա ներկայացվել նրան կալանավորելու միջնորդություն։
