07.04.2026 | 12:47
Քվեարկության ծրարում այլ իր չի կարող լինել․ սա կանխարգելիչ ազդեցություն կունենա․ Ջուլհակյան․ ՏԵՍԱՆՅՈՒԹ
Պապիկյանն ու Կոլբին քննարկել են պաշտպանության բնագավառում ՀՀ-ԱՄՆ համագործակցությանն առնչվող հարցեր
15.10.2025 | 23:05
ՀՀ պաշտպանության նախարար Սուրեն Պապիկյանը հոկտեմբերի 15-ին Պենտագոնում հանդիպել է ԱՄՆ պատերազմի քարտուղարի քաղաքականության գծով տեղակալ Էլբրիջ Կոլբիի հետ: Հանդիպմանը մասնակցել է նաև ԱՄՆ-ում ՀՀ դեսպան Նարեկ Մկրտչյանը։
«Քննարկել ենք պաշտպանության բնագավառում ՀՀ-ԱՄՆ համագործակցության ներկա ընթացքին և երկարաժամկետ, ինստիտուցիոնալ ծրագրերի նախաձեռնմանն առնչվող հարցեր։
Վերահաստատել ենք պաշտպանության ոլորտում գործընկերությունը խորացնելու պատրաստակամությունը՝ ընդգծելով ԱՄՆ ստանձնած կարևոր դերը տարածաշրջանում կայուն և տևական անվտանգության հաստատման գործընթացում:
Անդրադարձել ենք նաև ռազմական կրթության և պաշտպանական բարեփոխումների ոլորտներում համատեղ նախաձեռնությունների իրականացմանը վերաբերող մի շարք հարցերի»,- գրել է նախարարը։
