11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
CoP17-ը կծառայի որպես գործողությունների և արդյունքների գլոբալ վերանայման կարևոր հարթակ. ՇՄ նախարար
Տնտեսություն
15.10.2025 | 22:27
ՀՀ-ում հավատարմագրված դիվանագիտական առաքելությունների և միջազգային կազմակերպությունների ներկայացուցիչների համար կազմակերպված բրիֆինգին ՇՄ նախարար Համբարձում Մաթևոսյանը ներկայացրել է COP17 համաժողովի նախապատրաստական աշխատանքները։
«Հայաստանը, որպես #CoP17-ի հյուրընկալող երկիր, գործում է ներառականության, թափանցիկության, բարձր հավակնության և գործողության սկզբունքներով՝ նպատակ ունենալով համախմբել բոլոր շահառուներին՝ կառավարություններից մինչև տեղական համայնքներ, երիտասարդություն, գիտական և մասնավոր հատվածներ։
Բրիֆինգի ընթացքում ներկայացրել եմ COP17-ի տեսլականը և բովանդակային ուղղությունները, ինչպես նաև իրականացվող ենթակառուցվածքային և կազմակերպչական աշխատանքները։
#CoP17 -ը կծառայի որպես գործողությունների և արդյունքների գլոբալ վերանայման կարևոր հարթակ՝ ուղղված Կունմին–Մոնրեալի գլոբալ կենսաբազմազանության շրջանակի նպատակների իրականացմանը։
Համաժողովի օրակարգում առանձնահատուկ ուշադրություն է դարձվելու բնիկ ժողովուրդների, տեղական համայնքների, կանանց և երիտասարդների ներգրավվածությանը, ինչպես նաև կրթության, իրազեկման և կենսաբազմազանության պահպանության ֆինանսական նոր հնարավորությունների ձևավորմանը»,- գրել է նախարարը։
