29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Զգուշացեք առցանց խաբեություններից. ՆԳՆ-ի հորդորը
Հասարակություն
15.10.2025 | 20:56
ՆԳՆ-ից կրկին հիշեցնում են, որ պետք է զգուշանալ համացանցում Ձեր կողմից տեղադրված ապրանքի վաճառքի հայտարարությունով Ձեր հետ կապ հաստատած «գնորդների» ծուղակներից։
«Եթե Ձեզ հետ կապվել են հեռահաղորդակցման հավելվածի միջոցով («Whatsapp», «Viber», «Telegram» և այլն) և առաջարկում են Ձեր կողմից վաճառվող ապրանքը գնելու, գումարը իբր Ձեր բանկային քարտին փոխանցելու կամ վաճառվող ապրանքի առաքման համար էլեկտրոնային պայամանագիր կնքելու համար տրամադրել Ձեր բանկային քարտի տվյալները, այդ թվում նաև SMS հաղորդագրությամբ ստացված բանկային կոդը՝ լուսանկարների տեսքով կամ «գնորդի կողմից» ուղարկված հղումով մուտքագրելով անձնական և բանկային քարտի տվյալները ՝ ՈՉ ՄԻ ԴԵՊՔՈՒՄ ՉՎՍՏԱՀԵՔ:
Արդյունքում այս եղանակով հանցագործները ձեռքբերելով բոլոր անհրաժեշտ տվյալները՝ հափշտակում են Ձեր բանկային հաշվում առկա գումարները:
Խուսափելու համար հափշտակության զոհ դառնալուց՝
- Երբեք մի տրամադրեք Ձեր բանկային քարտի լուսանկարները երրորդ անձանց
- Երբեք մի մուտքագրեք Ձեր բանկային քարտի տվյալները և SMS հաղորդագրությամբ ստացված բանկային կոդը որևէ կասկածելի կայքերում, օրինակ՝ list.ordert.online; https://globbing.resewi-l.cfd; haypost.orderyc.online; yandex.info-trackings.com՝
Իսկ եթե արդեն իսկ դարձել եք նմանատիպ հանցագործության զոհ՝
- Անմիջապես կապվեք Ձեր բանկային քարտը սպասարկող ընկերության հետ,
- Հայտնեք ոստիկանությանը հանցագործության դեպքի մասին
- Պահպանեք հանցագործների հետ վարած նամակագրությունը` իրավապահ մարմիններին ներկայացնելու համար
Համացանցում Ձեր անվտանգության ապահովումը սկսվում է Ձեր զգոնությունից»,- ասված է հաղորդագրությունում:
