31.10.2026 | 15:07
Միրզոյանն ու Լիբանանի ԱԳ նախարարը քննարկել են երկկողմ համագործակցության զարգացումը
Տեր Մկրտիչին մեղադրանք է առաջադրվել, այսօր նրան կալանավորելու միջնորդություն կներկայացվի. փաստաբան․ ՏԵՍԱՆՅՈՒԹ
Հասարակություն
15.10.2025 | 18:13
«Արագածոտնի թեմի առաջնորդ Տեր Մկրտիչ եպիսկոպոս Պռոշյանը ձերբակալվել է, նրան մեղադրանք է առաջադրվել»,- այս մասին ՔԿ-ի շենքի դիմաց լրագրողների հետ զրույցում տեղեկացրեց նրա փաստաբան Արա Զոհրաբյանը։
Պաշտպանը նաև նշեց, որ այսօր նրան կալանավորելու միջնորդություն կներկայացվի։
«Տեր Մկրտիչը մեղադրվում է օրինական հավաքներին մասնակցությանը խոչընդոտելու կամ հարկադրելու, մյուսը՝ ընտրական քվեարկության արդյունքների վրա ազդելու համար։ Խոսքը 2021 թվականի ընտրությունների մասին է»,- փոխանցեց նա։
Զոհրաբյանը նաև ասաց, որ Տեր Մկրտիչը իրեն ներկայացված մեղադրանքը չի ընդունում։
Հիշեցնենք, որ առավոտյան Արագածոտնի թեմի առաջնորդարանում Քննչական կոմիտեն խուզարկություն է իրականացրել, իրավապահները միանգամից մի քանի հոգևորականի տարել են Քննչական կոմիտե։ Փաստաբանական խմբի անդամ Արա Զոհրաբյանը հայտնել էր, որ իրավապահները բերման են ենթարկել Տեր Փառեն, Տեր Մանուկ, Տեր Հայկ, Տեր Մկրտիչ, Տեր Ղևոնդ հոգևորականներին, ինչպես նաև Արագածոտնի թեմի առաջանորդ Տեր Մկրտիչ եպիսկոպոս Պռոշյանին։
Նշենք, որ հոգևորականները բերման են ենթարկվել իրենց բնակարաններում խուզարկությունից հետո։ Հավելենք, որ Արագածոտնի թեմի առանորդ Տեր Մկրտիչ եպիսկոպոս Պռոշյանը Ամենայն Հայոց Կաթողիկոս Գարեգին Բ-ի քրոջ որդին է։
Մանրամասները՝ տեսանյութում։
Մանյա Պողոսյան
