31.10.2026 | 22:55
Հայտնաբերվել է զինծառայողի դի. ՊՆ
Կարդացի 44-օրյայի զեկույցը, թվաց՝ Փաշինյանի ընտանիքի թերթն եմ ընթերցում․ Տիգրան Աբրահամյան․ ՏԵՍԱՆՅՈՒԹ
Քաղաքականություն
15.10.2025 | 19:45
ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը թեև չի մասնակցել 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի աշխատանքներին, այդուհանդերձ, ընթերցել է զեկույցը և Factor TV-ի հետ զրույցում կարծիք հայտնեց, որ իշխանությունը միտումնավոր այնպես է արել, որ հանձնաժողովի գործունեության ժամկետն անցնի, և զեկույցը ԱԺ-ի լիագումարի օրակարգ չմտնի և չհանրայնացվի․
«Կարդացի 44-օրյայի զեկույցը, իշխանության դեմ կուղղվի պարտության սլաքները, եթե այն հանրայնանա։ Պատերազմի առաջին օրն Ադրբեջանը հսկայական կորուստ է պատճառել՝ մարդկային, տեխնիկայի՝ ՀՕՊ-ի, հրետանային միջոցների։ Պատերազմից առաջ ՊԲ-ի գրեթե բոլոր հրամանատարները փոխվել են, դա վատ է ազդել զորքերի մարտունակության վրա։ Իշխանությունը մեղադրում է զինվորականներին՝ պարտության մեջ, իսկ Դավիթ Տոնոյանին և Օնիկ Գասպարյանին ո՞վ է նշանակել։ Զեկույցն ընթերցելիս թվաց՝ Փաշինյանի ընտանիքի թերթն եմ ընթերցում՝ 5-րդ շարասյուն և այլն, պարտության մեղքը բարդվել է բանակի ղեկավարության վրա։ Բանակի ռեզերվ է ջարդվել Լելե Թեփեի և Մատաղիսի հակահարձակման օպերացիայով, բեկումի փորձ է տապալվել»,- ասաց ընդդիմադիր պատգամավորը։
Տիգրան Աբրահամյանը բացի 44-օրյայի հանգամանքների թեման, խոսել է նաև Գարեգին Բ-ի քրոջ որդուն` Արագածոտնի թեմի առաջնորդ Տեր Մկրտիչ եպիսկոպոս Պռոշյանին և այլ հոգևորականների բերման ենթարկելու և քրեական գործերի, եկեղեցի-իշխանություն հարաբերությունների, Փաշինյանի իմփիչմենթի նախաձեռնության, հարակից այլ հարցերի մասին։
Հարցազրույցն ամբողջությամբ՝ տեսանյութում։
Ռոբերտ Անանյան
