20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Տեր Փառենը դուրս եկավ Քննչական վարչությունից․ ՏԵՍԱՆՅՈՒԹ
Հասարակություն
15.10.2025 | 16:38
Տեր Փառեն քահանա Առաքելյանը դուրս եկավ Քննչական կոմիտեի Երևանի քննչական վարչությունից։
Առավոտվանից քննչական բաժնում գտնվող հոգևորականներից լրագրողները հետաքրքրվեցին՝ թե արդյոք իր մասնակցությամբ որևէ քննաչական գործողություն է կատարվել, ինչին Տեր Փառենը բացասական պատասխան տվեց։
Հիշեցնենք, որ այսօր առովոտյան Արագածոտնի թեմի առաջնորդարանում Քննչական կոմիտեն խուզարկություն է իրականացրել, իրավապահները միանգամից մի քանի հոգևորականի տարել են Քննչական կոմիտե։
Փաստաբանական խմբի անդամ Արա Զոհրաբյանը հայտնել էր, որ իրավապահները բերման են ենթարկել Տեր Փառեն, Տեր Մանուկ, Տեր Հայկ, Տեր Մկրտիչ, Տեր Ղևոնդ հոգևորականներին, ինչպես նաև Արագածոտնի թեմի առաջանորդ Տեր Մկրտիչ եպիսկոպոս Պռոշյանին։ Արա Զոհրաբյանը նաև տեղեկացրել էր, որ Արագածոտնի թեմի առաջնորդը Քննչական կոմիտեում է գտնվում։
Նշենք, որ հոգևորականները բերման են ենթարկվել իրենց բնակարաններում խուզարկությունից հետո։
Ըստ նախնական տեղեկությունների՝ նրանց առնչվող գործը կապված է Հովհաննավանքի հոգևոր հովիվ Տեր Արամ քահանա Ասատրյանի՝ Հանրային հեռուստաընկերությանը տված հարցազրույցում հայտնած այն տեղեկությունների հետ, որ իրեն 2021-ին ստիպել են հավաքների մասնակցել։ Ինքը՝ Տեր Արամ քահանա Ասատրյանը հայտարարություն էր տարածել, որ ինքը հաղորդում չի ներկայացրել իրավապահներին։ Ավելի ուշ հայտնի դարձավ, որ հաղորդումը ներկայացրել է «Իրազեկ քաղաքացիների միավորում» ՀԿ-ն։
Մանրամասները՝ տեսանյութում։
Մանյա Պողոսյան
