20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Մկրտիչ սրբազանը Կենտրոնի քննչականում է. Արա Զոհրաբյան․ ՏԵՍԱՆՅՈՒԹ
Հասարակություն
15.10.2025 | 16:28
«Մարդու իրավունքների պաշտպանի գրասենյակից տեղեկացանք, որ Արագածոտնի թեմի առաջնորդ Տեր Մկրտիչ եպիսկոսպոս Պռոշյանը գտնվում է Կենտրոնի քննչական վարչությունում»,- այս մասին ՔԿ Երևանի վարչության քննչական բաժնի շենքի մոտ լրագրողների հետ զրույցում հայտարարեց փաստաբան Արա Զոհրաբյանը։
Առավոտյան Արագածոտնի թեմի առաջնորդարանում Քննչական կոմիտեն խուզարկություն է իրականացրել, իրավապահները միանգամից մի քանի հոգևորականի տարել են Քննչական կոմիտե։ Փաստաբանական խմբի անդամ Արա Զոհրաբյանը հայտնել էր, որ իրավապահները բերման են ենթարկել Տեր Փառեն, Տեր Մանուկ, Տեր Հայկ, Տեր Մկրտիչ, Տեր Ղևոնդ հոգևորականներին, ինչպես նաև Արագածոտնի թեմի առաջանորդ Տեր Մկրտիչ եպիսկոպոս Պռոշյանին։ Հոգևորականների պաշտպանական խմբի փաստաբաններն ահազանգում էին, թե հայտնի չէ՝ Արագածոտնի թեմի առաջնորդին ուր են տարել իրավապահ մարմինների աշխատակիցները։
Նշենք, որ հոգևորականները բերման են ենթարկվել իրենց բնակարաններում խուզարկությունից հետո։ Ըստ նախնական տեղեկությունների՝ նրանց առնչվող գործը կապված է Հովհաննավանքի հոգևոր հովիվ Տեր Արամ քահանա Ասատրյանի՝ Հանրային հեռուստաընկերությանը տված հարցազրույցում հայտնած այն տեղեկությունների հետ, որ իրեն 2021-ին ստիպել են հավաքների մասնակցել։ Ինքը՝ Տեր Արամ քահանա Ասատրյանը հայտարարություն էր տարածել, որ ինքը հաղորդում չի ներկայացրել իրավապահներին։ Ավելի ուշ հայտնի դարձավ, որ հաղորդումը ներկայացրել է «Իրազեկ քաղաքացիների միավորում» ՀԿ-ն։
Մանրամասները՝ տեսանյութում։
Մանյա Պողոսյան
