18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Եկամտաբեր է, պատրաստ են անընդհատ տուգանվել․ ՔՊ պատգամավորը՝ առանց ակցիզի ալկոհոլ վաճառողների մասին․ ՏԵՍԱՆՅՈՒԹ
Տնտեսություն
15.10.2025 | 14:10
ԱԺ տնտեսական հանձնաժողովի նիստում ՔՊ պատգամավոր Նարեկ Ղահրամանյանը ներկայացրեց իր հեղինակած օրենսդրական փաթեթը, որը վերաբերում է հարկերի խուսափմամբ՝ առանց ակցիզավորման և դրոշմավորման ալկոհոլային խմիչքները և ծխախոտային արտադրատեսակներն օտարելուն:
Պատգամավորի խոսքով՝ նպատակն է ակցիզային դրոշմանիշներով կամ դրոշմապիտակներով կամ հսկիչ նշաններով դրոշմավորման ենթակա չդրոշմավորված ապրանքներն օտարելու համար վարչական իրավախախտումների վերաբերյալ ՀՀ օրենգրքում սահմանված պատասխանատվության շրջանակում որոշակիացնել խախտում համարվող արարքները և ավելացնել գործող տուգանքների չափերը։
Նա նաև նշեց, որ առանց ակցիզի ալհոկոլ վաճառողները նախընտրում ենք անընդհատ տուգանվել։
«Օտարման նպատակով ակցիզային դրոշմանիշներով կամ դրոշմապիտակներով կամ հսկիչ նշաններով դրոշմավորման ենթակա չդրոշմավորված ապրանքներ պահելը, տեղափոխելը, ձեռք բերելը կամ օտարելը ծխախոտային արտադրատեսակների դեպքում, երբ այդ ապրանքների ընդհանուր արժեքը վաճառողի մոտ օտարման գներով չի գերազանցում տասը հազար դրամը, իսկ ալկոհոլային խմիչքների (սպիրտի) դեպքում՝ հիսուն հազար դրամն, առաջացնելու է տուգանքի նշանակում` սահմանված նվազագույն աշխատավարձի երեքհարյուրապատիկի չափով՝ իրավախախտման անմիջական օբյեկտ հանդիսացող առարկայի բռնագրավմամբ»,- փոփոխությունները ներկայացրեց օրենքի համահեղինակը։
Մանրամասները՝ տեսանյութում։
Մանյա Պողոսյան
