30.07.2026 | 10:13
Ուկրաինան հարվածել է Պենզայում և Ուդմուրտիայում Wildberries-ի պահեստներին. ՏԵՍԱՆՅՈՒԹ
Տեր Արամը հաղորդում չի ներկայացրել, բայց վստահ եմ՝ ցուցմունք տվել է․ Արա Զոհրաբյան․ ՏԵՍԱՆՅՈՒԹ
Հասարակություն
15.10.2025 | 13:42
Երևանի քննչական վարչության մոտ, լրագրողների հետ զրույցում փաստաբան Արա Զոհրաբյանը նշեց, որ քահանաների և եկեղեցու աշխատակիցների տանը կատարված խուզարկությունների ժամանակ տարբեր տեսակի փաստաթղթեր, համակարգիչներ են առգրավվել։ «Օրինակ՝ մի աշխարհիկ աշխատակցուհու ընտանիքի անդամների համակարգիչները, հեռախոսները բոլորի, իրենց էլ բերման են ենթարկել այստեղ»,-նշեց Զոհրաբյանը։ Փաստաբանը ասաց նաև, որ հանդիպել են բերման ենթարկվածների հետ, բոլոր քահանաները վկայի կարգավիճակով ներսում են։
«Մկրտիչ սրբազանի անհետացման հետ կապված հաղորդում եմ ներկայացրել։ Ասել են՝ բերում են Պարույր Սևակ 4 հասցեով, սակայն նա այստեղ չէ»,-նշեց Զոհրաբյանը՝ պնդելով, որ ամբողջ գործընթացը «հակաեկեղեցական շարժման տրամաբանության մեջ է»։ Ըստ նրա՝ Տեր Արամը հնարավոր է՝ հաղորդում չի ներկայացրել, սակայն Զոհրաբյանը համոզված է՝ ցուցմունք տվել է․ «Ես վստահ եմ, որ իր ցուցմունքները կան»։
Մանրամասները՝ տեսանյութում։
