12.01.2026 | 10:11
Լարս ավտոճանապարհը փակ է
Հայտնի է՝ որ վարույթի շրջանակում են բերման ենթարկվել քահանաները
Հասարակություն
15.10.2025 | 12:39
Այսօր առավոտյան հոգևորականներին բերման ենթարկելու դեպքի վերաբերյալ Քննչական կոմիտեն հայտնում է․
«Իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով հավաք անցկացնելուն կամ դրան մասնակցելուն խոչընդոտելու կամ հարկադրելու, ինչպես նաև հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռելու դեպքի առթիվ նախաձեռնված քրեական վարույթի նախաքննության շրջանակներում կատարվում են վարութային և ապացուցողական անհրաժեշտ գործողություններ»։
Նշենք, որ Factor TV-ի տեղեկություններով՝ հոգևորականները տարվել են Քննչական կոմիտե՝ վկայի կարգավիճակով։ Ըստ նախնական տեղեկությունների՝ կոմիտեում քննվող գործն առնչվում է Հովհաննավանքի հոգևոր հովիվ Տեր Արամ քահանա Ասատրյանի այն հայտարարության հետ, որ իրեն 2021-ին ստիպել են մասնակցել հավաքների։
Մինչև հոգևորականներին բերման ենթարկելը նրանց բնակարաններում խուզարկություններ են իրականացվել։ Փաստաբանական խումբը հայտնել է նաև, որ Արագածոտնի թեմի առաջնորդ Տեր Մկրտիչ եպիսկոպոս Պռոշյանին ևս իրավապահները տարել են, բայց նրա գտնվելու վայրը հայտնի չէ։ Քննչական խմբի ղեկավարն ու քննիչները ևս տեղեկություն չունեն։
Արաքս Մամուլյան
