11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Բերման են ենթարկել Գարեգին Բ-ի քրոջորդուն՝ Արագածոտնի թեմի առաջնորդին
Հասարակություն
15.10.2025 | 11:46
Արագածոտնի թեմի առաջնորդ Տեր Մկրտիչ եպիսկոպոս Պռոշյանին բերման են ենթարկել, նրա գտնվելու վայրն անհայտ է, չգիտենք, թե որտեղ է։ Factor.am-ի հարցին ի պատասխան՝ այս մասին ասաց Մայր Աթոռի տեղեկատվական համակարգի տնօրեն Տեր Եսայի քահանա Արթենյանը։
Նշենք, որ Արագածոտնի թեմի առաջնորդը Ամենայն հայոց կաթողիկոս Գարեգին Բ-ի քրոջ որդին է։ Տեր Եսայիի փոխանցմամբ՝ թեմի ևս հինգ հոգևորական էլ այս պահին Քննչական կոմիտեի Երևանի վարչությունում են։ Նրանք բոլորը քահանաներ են։
Մայր Աթոռի խոսնակի փոխանցմամբ՝ դեռևս տեղեկություններ չկան, թե ինչով են այս գործողությունները պայմանավորված։
Մամուլը գրում է, ու քահանաների տներում խուզարկություններ են կատարվել, վերջիններս բերման են ենթարկվել Հովհանավանքի քահանա տեր Արամի հաղորդման հիման վրա: Տեր Արամը մեր զանգերն անպատասխան է թողնում, ՔԿ-ն նույնպես դեռևս պարզաբանումներ չի ներկայացրել։
Նարեկ Կիրակոսյան
