31.10.2026 | 22:55
Հայտնաբերվել է զինծառայողի դի. ՊՆ
20 հազար դրամի տուգանք՝ երկաթուղով անտոմս երթևեկելու համար․ ՏԿԵՆ-ի նոր նախագիծը
Հասարակություն
15.10.2025 | 12:22
Կսահմանվի ընդհանուր օգտագործման երկաթուղային տրանսպորտով ուղևորափոխադրումների ժամանակ անտոմս երթևեկելու դեպքում տուգանքները կիրառող մարմինը և տուգանքի չափերը։ Տարածքային կառավարման և ենթակառուցվածքների նախարարությունը հանրային քննարկման է ներկայացրել Վարչական իրավախախտումների վերաբերյալ օրենսգրքում փոփոխություններ և լրացումներ կատարելու վերաբերյալ նախագիծը։
Ընդհանուր օգտագործման երկաթուղային տրանսպորտով անտոմս երթևեկելը կպատժվի տուգանքով՝ 20 հազար դրամի չափով, միջազգային հաղորդակցության գնացքներով`40 հազար դրամի չափով:
Նշվում է նաև, որ տուգանքի վճարումը ուղևորին չի ազատի երթևեկության արժեքը վճարելուց։
Ընդհանուր օգտագործման երկաթուղային տրանսպորտով անտոմս երթևեկելու համար տուգանք կնշանակի երկաթուղային ենթակառուցվածքի կառավարիչը կամ երկաթուղային շարժակազմի օպերատորը, որի համար կարգը կսահմանի կառավարությունը։
