14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
ՌԴ-ի առաջարկը՝ հարթակ տրամադրել ՀՀ-ի ու Ադրբեջանի միջև խաղաղության պայմանագրի ստորագրման համար, ուժի մեջ է․ Գալուզին
Քաղաքականություն
15.10.2025 | 10:31
Ռուսաստանի առաջարկը՝ հարթակ տրամադրել Հայաստանի և Ադրբեջանի միջև խաղաղության համաձայնագրի ստորագրման համար, ուժի մեջ է։ Այս մասին հայտարարել է Ռուսաստանի փոխարտգործնախարար Միխայիլ Գալուզինը, գրում է ՌԻԱ Նովոստին։
«Մեր առաջարկը՝ հարթակ տրամադրել Հայաստանի և Ադրբեջանի միջև վերջնական խաղաղության համաձայնագրի ստորագրման համար, ուժի մեջ է մնում»,- ասել է Գալուզինը Հայաստանի անկախության օրվան նվիրված ընդունելության ժամանակ։
Նա հավելել է, որ ռուսական կողմը հատուկ նշանակություն է տալիս երկրների միջև հարաբերությունների կարգավորմանը։
«Ակնհայտ է, որ մտածվածը գործնականում իրականացնելու համար դեռ պետք է լուրջ աշխատել։ Մենք պատրաստ ենք Երևանին և Բաքվին տրամադրել անհրաժեշտ օգնությունը՝ մնացած տարաձայնությունները հաղթահարելու համար, այդ թվում՝ հաշվի առնելով Ռուսաստանի, Հայաստանի և Ադրբեջանի ղեկավարների եռակողմ հայտարարությունները»,- նշել է Գալուզինը։
Նա ընդգծել է, որ Ռուսաստանը մեծ և արդյունավետ դեր է խաղացել Երևանի և Բաքվի միջև կարգավորման գործընթացում։
ՌԴ-ում Հայաստանի դեսպան Գուրգեն Արսենյանը նույնպես նշել է ռուսական դիվանագիտության ներդրումը կարգավորման գործընթացում և այն անվանել «հատուկ»։
Թարգմանությունը՝ Էմմա Չոբանյանի
