19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ՀՀ ԱԳ փոխնախարարը և Նիդերլանդների ԱԳՆ գլխավոր տնօրենը անդրադարձել են ՀՀ-ում կայանալիք Եվրոպական քաղաքական համայնքի գագաթնաժողովի կազմակերպմանը
Քաղաքականություն
14.10.2025 | 22:51
ՀՀ ԱԳ նախարարի տեղակալ Վահան Կոստանյանը և Նիդերլանդների Թագավորության ԱԳ նախարարության գլխավոր տնօրեն Մարսել դե Վինկը գոհունակությամբ ընդգծել են Հայաստան-Նիդերլանդներ քաղաքական երկխոսության դինամիկան և Ռազմավարական գործընկերության հռչակագրում ամրագրված ոլորտներում երկկողմ համագործակցության բարձր մակարդակը: Այս մասին տեղեկացնում են ՀՀ ԱԳՆ-ից։
Վահան Կոստանյանը բարձր է գնահատել առևտրային կարողությունների զարգացմանն ու եվրոպական շուկա մուտքի ընդլայնման համար Նիդերլանդների աջակցությունը, ինչպես նաև Համաշխարհային բանկի «Արտոնյալ ֆինանսավորման գլոբալ գործիքի հիմնադրամի» շրջանակներում Հայաստանի Հանրապետությանը հավելյալ ֆինանսական հատկացումը։
ՀՀ ԱԳ նախարարի տեղակալն ընդգծել է, որ Հայաստանը մեծապես գնահատում է Նիդերլանդների հետ փոխգործակցությունը նաև Հայաստան-ԵՄ գործընկերության շրջանակում և, մանրամասն անդրադառնալով նախանշված բարեփոխումների օրակագին, զրուցակցին է ներկայացրել «Եվրոպական Միությանը ՀՀ անդամակցելու գործընթացի մեկնարկի մասին» օրենքի ընդունումից հետո ՀՀ կառավարության կողմից ձեռնարկված քայլերը միտված Եվրոպական միության հետ գործընկերության խորացմանը:
Անդրադարձ է կատարվել նաև 2026թ. Հայաստանում կայանալիք Եվրոպական քաղաքական համայնքի գագաթնաժողովի կազմակերպմանը:
