13.02.2026 | 23:22
Ստեփանծմինդա-Լարս ավտոճանապարհը բաց է
ՄԱԿ ներկայացուցիչների հետ քննարկվել է COP17-ի կազմակերպման առաջընթացը
Տնտեսություն
14.10.2025 | 22:25
ՄԱԿ Կենսաբազմազանության կոնվենցիայի գործադիր քարտուղար Աստրիդ Շոմեյքերի հետ ՇՄ նախարար Համբարձում Մաթևոսյանը հանդիպում է ունեցել COP17-ի կազմակերպման ու անցկացման նպատակով ստեղծված կոմիտեի ոլորտային ներկայացուցիչների հետ։
«Քննարկման առանցքում համաժողովի նախապատրաստական աշխատանքներն էին, մասնավորապես` ենթակառուցվածքների բարելավման և միջոցառման բարձր մակարդակով կազմակերպման ուղղությամբ։
Հանդիպման ընթացքում անդրադարձանք նաև «Մերիդիան» էքսպոկենտրոնի ղեկավարների հետ համագործակցությանը։ Քննարկեցինք կենտրոնի վերանորոգման, կառուցման և բարեկարգման աշխատանքների ընթացքը, որպեսզի այն համապատասխանի միջազգային չափանիշներին և լիարժեքորեն սպասարկի COP17-ի պահանջներին։
Հիշեցնեմ, որ միջոցառումը պատշաճ մակարդակով կազմակերպելու նպատակով ՀՀ 2025 թվականի պետական բյուջեում նախատեսվել է վերաբաշխում․ 5775.0 մլն դրամ կուղղվի COP17 համաժողովի կազմակերպման աշխատանքներին։ Այս միջոցները կծախսվեն «Մերիդիան» էքսպոկենտրոնի բարեկարգման և տեխնիկական հագեցման վրա։
Մեր նպատակն է Հայաստանը ներկայացնել որպես պատասխանատու, ժամանակակից ենթակառուցվածքներով և բնապահպանական արժեքները հստակ կիսող երկիր՝ բարձր մակարդակով կազմակերպելով COP17 համաժողովը»,- ասված է հաղորդագրությունում։
