16.07.2026 | 10:14
Արման Ծառուկյանը չի բացառել մասնակցությունն Օլիմպիական խաղերին
ՀՀ-ն Ադրբեջանի մոտ չի ստանձնել պարտավորություն փոխել Սահմանադրությունը. Միրզոյանը` Բաքվի նախապայմանների մասին․ ՏԵՍԱՆՅՈՒԹ
Քաղաքականություն
14.10.2025 | 13:18
«ՀՀ-ն երբևէ որևէ երրորդ կողմի առջև պարտավորություն չի ստանձնել և չի ստանձնելու փոխել ՀՀ Սահմանադրությունը»,- այսօր ԵԱՀԿ գործող նախագահ Էլինա Վալտոնենի հետ համատեղ ասուլիսում ասաց ՀՀ արտգործնախարար Արարատ Միրզոյանը՝ պատասխանելով Factor TV-ի հարցին։
«Ինչպես և նախկինում, այդպես էլ հիմա, այդպիսի հարց, որպես փոխհամաձայնեցված օրակարգի հարց, գոյություն չունի մեր քննարկումներում, և ՀՀ Սահմանադրության փոփոխության կամ նոր Սահմանադրություն ընդունելու հարցը բացառապես ներքաղաքական օրակարգի և մեր ժողովրդի որոշելիքն է»,- նշեց նախարարը:
Միրզոյանի խոսքով՝ Ադրբեջանը շարունակում է ՀՀ Սահմանադրության փոփոխությունը որպես պայման ներկայացնել Խաղաղության պայմանագրի կնքման հարցում։
Հիշեցնենք, որ օգոստոսի 8-ին Վաշինգտոնում նախաստորագրվել է «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։ Խաղաղության պայմանագրի նախաստորագրումից հետո Ադրբեջանի նախագահ Իլհամ Ալիևը ադրբեջանական լրատվամիջոցներին տված հարցազրույցում հայտարարել էր, որ Հայաստանը «տնային աշխատանք» ունի անելու՝ փոխելու Սահմանադրությունը։ Ադրբեջանի տարբեր բարձրաստիճան պաշտոնյաներ պարբերաբար հայտարարում են, որ մինչև ՀՀ-ն չփոխի Սահմանադրությունը, Խաղաղության պայմանագիրը չի կնքվելու։
Մանրամասները՝ տեսանյութում։
Մանյա Պողոսյան
