08.06.2026 | 22:44
Իրանի ԱԳ նախարարը հայերեն գրառմամբ է շնորհավորել Փաշինյանին
Հավատում եմ, որ խաղաղությունը կարևոր է. Նուբար Աֆեյանը` խաղաղության պայմանագրի մասին․ ՏԵՍԱՆՅՈՒԹ
Քաղաքականություն
14.10.2025 | 12:54
Moderna-ի համահիմնադիր, գործարար և բարերար Նուբար Աֆեյանն այսօր մասնակցում էր «Արհեստական բանականության անատոմիան» խորագրով ամենամյա Silicon Mountains 2025 գագաթնաժողովին։
Մինչ մեկնարկը՝ Աֆեյանը պատասխանել է լրագրողների հարցերին, խոսել Բաքվում պահվող Արցախի ռազմաքաղաքական ղեկավարության, ինչպես նաև Հայաստանի և Ադրբեջանի միջև խաղաղության հաստատմանն ուղղված գործողությունների մասին։
«Արդեն 2 տարի է` բավականին մեծ աշխատանք ենք տանում, որպեսզի թե՛ այնտեղի, թե՛ այստեղի ղեկավարները ուշադրություն դարձնեն խնդրին։ Հուսով եմ` կհաջողենք»,- նշեց Աֆեյանը։ Բարերարի խոսքով` տարբեր երկրների կողմից հարցը բարձրացվում և քննարկվում է, հույս ունի, որ այս գործընթացում արդարություն կտիրի. «Հավատում եմ, որ խաղաղությունը կարևոր է»։ Հիշեցնենք` գագաթնաժողովը նպատակ ունի բացահայտելու արհեստական բանականության խորքային կառուցվածքը՝ ներկայացնելով մտածող ալգորիթմները, նեյրոնային ցանցերը, տվյալների հոսքերը և մարդկային փորձառության դերը տեխնոլոգիական առաջընթացում։
