14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Ֆրանսիայում ՀՀ դեսպանը Փարիզ-Սակլե համալսարանի ուսանողներին է ներկայացրել Հայաստանի արտաքին քաղաքականությունը
Քաղաքականություն
14.10.2025 | 11:18
Ֆրանսիայում Հայաստանի Հանրապետության դեսպան Արման Խաչատրյանը դեսպանությունում ընդունել է Փարիզ-Սակլե համալսարանի (Université Paris-Saclay) մի խումբ ուսանողների․ տեղեկանում ենք Ֆրանսիայում ՀՀ դեսպանության տարածած հաղորդագրությունից։
Նշվում է, որ դեսպան Խաչատրյանը ուսանողներին է ներկայացրել Հայաստանի արտաքին քաղաքականությունը, երկրի դերը միջազգային հարաբերություններում և հարևան երկրների հետ հարաբերությունները։
«Անդրադարձ է կատարել օգոստոսի 8-ին Վաշինգտոնում Հայաստանի, Ադրբեջանի և ԱՄՆ ղեկավարների կողմից ստորագրված հռչակագրին և դրա կարևորությանը Հարավային Կովկասում խաղաղության հաստատման գործում»,-ասված է հաղորդագրության մեջ։
Դեսպան Խաչատրյանը խոսել է նաև հայ-ֆրանսիական պատմական հարաբերություններից և ռազմավարական նշանակություն ունեցող ուղղություններով Հայաստանի և Ֆրանսիայի միջև համագործակցությունից:
Դեսպանության փոխանցմամբ՝ բանախոսության ավարտին ՀՀ դեսպանը պատասխանել է ուսանողների հարցերին՝ անդրադառնալով նաև Հայաստանի հարաբերություններին Եվրոպական միության հետ, առաջիկայում Հայաստանում կայանալիք Կենսաբազմազանության կողմերի համաժողովին (COP17) և Հայաստանին առնչվող երկկողմ և բազմակողմ այլ հարցերի։
