01.11.2026 | 15:05
Սպանության նախապատրաստության գործով երեք անձ կալանավորվել է
Ռումինիայում նշում են Հայերենի օրը
Հասարակություն
12.10.2025 | 17:52
Ռումինիայում հոկտեմբերի 12-ին նշվում է Հայերենի օրը, որով հարգանքի տուրք է մատուցվում Ռումինիայի հայ համայնքի հարուստ ժառանգությանը:
Այս մասին նշված է Ռումինիայի արտաքին գործերի նախարարության X-ի միկրոբլոգում կատարված գրառման մեջ։
«Այսօր Ռումինիայում մենք նշում ենք Հայերենի օրը՝ հարգանքի տուրք մատուցելով Ռումինիայի հայ համայնքի հարուստ ժառանգությանը: Լեզուն ավելին է, քան հաղորդակցման միջոց և ընդգրկում է ոչ միայն պատմությունն ու ժառանգությունը: Լեզուները ազգային ինքնության հիմնական ցուցիչներն են:
Ավելին՝ «լեզուները ազգերի տոհմածառն են» (Սեմյուել Ջոնսոն): Այսօր մենք Ռումինիայի հայ համայնքի հետ միասին մեծարում ենք եզակի այբուբենը, հին գրական ավանդույթը և ինքնության հզոր խորհրդանիշը»,-ասված է երկրի ԱԳՆ-ի գրառման մեջ, որը եզրափակվում է «Մեր լեզուն մեր ինքնությունն է» գրությամբ։
