Փաշինյանը էլի վիզը ծռեց Լուկաշենկոյի և Պուտինի առաջ, ի՞նչ գործ ունես ՌԴ-ի «դուքյան» ԱՊՀ-ում․ Գևորգ Սաֆարյան․ ՏԵՍԱՆՅՈՒԹ

Բելառուսի նախագահ Ալեքսանդր Լուկաշենկոն ԱՊՀ գագաթնաժողովի պաշտոնական մասի մեկնարկից առաջ ռեպլիկներ է փոխանակել Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ․ «Իլհամ Հեյդարովիչ, իսկ դուք ասում էիք՝ չի գա, անհանգստանում էիք երեկ։ Ախր ես ասացի` Նիկոլ Վովաևիչն առանց մեզ ի՞նչ պիտի անի», – դիմել է Լուկաշենկոն կողք-կողքի նստած Ալիևին և Փաշինյանին։ «Ո՞նց չեմ գա, ո՞ւր չեմ գա»,– արձագանքել է ՀՀ վարչապետը։

Հիշում ենք, որ Լուկաշենկո – Փաշինյան հարաբերությունները վերջին տարիներին սրված են։ Փաշինյանը Բելառուսի նախագահին մեղադրել էր Լեռնային Ղարաբաղում պատերազմի ժամանակ Ադրբեջանին աջակցելու մեջ և հայտարարել, որ ո՛չ ինքը, ո՛չ էլ որևէ այլ հայ պաշտոնյա չի այցելի Բելառուս, քանի դեռ այդ երկրի նախագահը Լուկաշենկոն է:

Ազգային-ժողովրդավարական բևեռի անդամ Գևորգ Սաֆարյանը Factor TV-ի հետ զրույցում ասում է, որ Փաշինյանը պետք է չներկայանար ԱՊՀ-ի հավաքին՝ կառույց, որը ՌԴ-ի քաղաքական ազդեցության գործիք է․
«Լուկաշենկոն նսեմացրեց Փաշինյանին, նաև՝ ՀՀ-ին, ասաց՝ դուք առանց մեզ ոչ մի տեղ չես գնա։ Հարց եմ տալիս ՀՀ իշխանություններին՝ ի՞նչ գործ ունես ռուսական «դուքյան»-ում։ Դո՛ւրս եկեք ռուսական «դուքյան» ԱՊՀ-ից, Փաշինյանը էլի վիզը ծռեց Լուկաշենկոյի և Պուտինի առաջ։ Եթե ՌԴ-ն օկուպացնի Ուկրաինան, հաջորդը ՀՀ-ն է լինելու․ եթե ջախջախիչ չպարտվի, այդ վտանգը չի վերանա»,- ասաց Գևորգ Սաֆարյանը։

Նա խոսել է նաև ռուս-ադրբեջանական հարաբերությունների սրացման փուլին հաջորդած Պուտին-Ալիև կառուցողական հանդիպման, Պուտինի կողմից՝ ներողություն հայցելու և ՌԴ-ի մեղքը ավիավթարում ընդունելու փաստի, Հարավային Կովկասում ՌԴ-ի ազդեցության նվազման և գեոպոլիտիկ ուժերի մրցակցության, այլ հարցերի մասին։

Հարցազրույցն ամբողջությամբ՝ տեսանյութում։

Ռոբերտ Անանյան