12.01.2026 | 18:00
Չինաստանը դեմ է «այլ երկրների ներքին գործերին միջամտելուն», Գերմանիան և Կանադան դատապարտում են բռնությունները
ՊԵԿ-ը աշխատողի չձևակերպման և ՀԴՄ-ի կիրառման կանոնների խախտման դեպքեր է բացահայտել
Տնտեսություն
10.10.2025 | 14:06
Պետական եկամուտների կոմիտեն տեղեկացնում է, որ Խոշոր հարկ վճարողների հարկային կարգապահության բարելավման ծրագրի շրջանակում, 2025 թվականի հուլիսի 1-ից սեպտեմբերի 30-ը ներառյալ, հարկ վճարողների մոտ արձանագրվել են աշխատողի չձևակերպման և ՀԴՄ-ի կիրառման կանոնների խախտման դեպքեր:
«Մասնավորապես, 13 խոշոր հարկ վճարողների մոտ արձանագրվել են 136 չգրանցված աշխատողներ և առաջադրվել է 34 մլն դրամ տուգանք, իսկ 24 խոշոր հարկ վճարողների մոտ արձանագրվել է ՀԴՄ-ի կիրառման կանոնների խախտում և առաջադրվել է շուրջ 128,2 մլն դրամ տուգանք»,- նշված է հաղորդագրության մեջ։
Յուրաքանչյուր չգրանցված աշխատողի համար տնտեսվարողը վճարում է 250 հազար դրամ։ Այսպիսով՝ 8 մլն դրամով տուգանվել են «ԷԼԱՔՍԻ» և «ՀԱՅՐ ԵՎ ՈՐԴԻ ԵՐԵՄՅԱՆՆԵՐ» ընկերությունները․ նրանցից յուրաքանչյուրը 32 չգրանցված աշխատող են ունեցել։
5,250,000 դրամով տուգանվել է «ՍՄԱՐԹ ԱԳՐՈ ՍՈԼՈՒՇԸՆՍ», 3,250,000-ով՝ «ԲԻԳ ՀՈՄ»-ը, 2,750,000-ով՝ «ԶԵՆՆԻ»-ին, 2,250,000-ով՝ «ԱՐՏ ՊԼԱՍ»-ը։ 1 մլն դրամով տուգանվել են «ԷՍ ԹԻ ՍԵՐՎԻՍ» և «ՖՌԵՇ ՖՐՈԶԵՆ» ընկերությունները։
