05.10.2026 | 20:12
Արաղչին Միրզոյանին հայտնել է Իրանի պատրաստակամությունը՝ շարունակել բազմակողմ համագործակցությունը, այդ թվում՝ 3+3 ձևաչափով
Տեսանյութում ձվածեղ պատրաստող Ալեքսանյանին մեղադրում են ահաբեկչություն նախապատրաստելու մեջ. Կոչուբաև․ ՏԵՍԱՆՅՈՒԹ
Հասարակություն
09.10.2025 | 17:51
«Սրբազան պայքար» անունը ստացած շարժման գործով դատական նիստին մեղադրյալ Արմեն Ալեքսանյանի պաշտպան Ալեքսանդր Կոչուբաևը միջնորդեց դադարեցնել իր պաշտպանյալի նկատմամբ քրեական հետապնդումը:
Ըստ Կոչուբաևի՝ իր պաշտպանյալի մեղադրանքի հիմքում դրվել է մի տեսանյութ, որում նա Ամանորից մնացած բաստուրմայով ձվածեղ է պատրաստում:
«Տեսանյութում ձվածեղ պատրաստող Արմեն Ալեքսանյանին մեղադրում են ահաբեկչություն նախապատրաստելու մեջ»,- ասաց Կոչուբաևը:
Նա նաև նշեց, որ գործի նյութ հանդիսացող այդ տեսանյութը հասանելի է Youtube-ում:
«Հանրահայտ փաստ է, որ Արմեն Ալեքսանյանը բաստուրմայով ձվածեղ է պատրաստել»,- ասաց Կոչուբաևը՝ պնդելով, որ իր պաշտպանյալի նկատմամբ հետապնդումը դատավորը կարող է դադարեցնել հենց այս՝ նախնական դատալսումների փուլում: Հանրային մեղադրողներն առարկեցին միջնորդության դեմ:
Դատարանը այս փուլում մերժեց միջնորդությունը՝ դիրքորոշում հայտնելով, որ միայն գործում առկա ապացույցների հետազոտման արդյունքում է հնարավոր միջնորդությունը լուծել: Մանրամասները՝ տեսանյութում:
Արաքս Մամուլյան
