Փաշինյանի ծնկելը թատրոն է, ներողություն չէ՛․ ասել ես՝ Արցախի անջատում հանուն փրկության, հետո էլ՝ թոկ էր մեր վզին. Հակոբ Բադալյան. ՏԵՍԱՆՅՈՒԹ

Քաղաքական մեկնաբան Հակոբ Բադալյանը Factor TV-ի եթերում անդրադառնալով Ռոբերտ Քոչարյանի մամուլի ասուլիսից հետո ծագած ընդդիմադիր թևերի միջև ծավալված հեռակա բանավեճերին, նշեց, որ նախկին նախագահների թիմերի միջև բացահայտվում է խորքային անվստահություն։ Բադալյանի խոսքով՝ Փաշինյանի իմպիչմենթի գործընթացը հենց այդ անվստահության ամենատեսանելի արտահայտությունն է։ Ըստ նրա՝ Փաշինյանը կարողանում է հաջողությամբ դաշտը բաժանել պատերազմ ուզողների և խաղաղության գնացողների ճամբարների․ «Փաշինյանի ծնկելը ՔՊ-ի համագումարում ներկաների առաջ թատրոն է, ներողություն չէ՛ կատարած սխալների համար։ Դու ասել ես՝ Արցախի անջատում հանուն փրկության, հետո էլ՝ թոկ էր մեր վզին, որ անկախացանք և այլն։ Փաշինյանին հաջողվում է իրավիճակ ստեղծել՝ պատերազմահեն ես, եթե իր ասածից տարբեր բան ես ասում»։

Ըստ Հակոբ Բադալյանի՝ տաբուացվում է ընդհուպ Արցախի մասին խոսակցությունը․ «Ով բերանը բացում՝ Արցախ անունն է տալիս, մեղադրվում է պատերազմահեն լինելու մեջ, սա մանիպուլյատիվ է»։

Քաղաքական մեկնաբանը հեշտ չի համարում Փաշինյանի թիմակիցների համար ընդդիմությանը հաղթելու օրակարգում հաջողություն գրանցելը․ «Ընդդիմությունը հայտարարեց՝ վե՛րջ, հաղթելու են Փաշինյանին․ իսկ լուծարվելո՞ւ եք, եթե չհաղթեք։ Փաշինյանի համար բարդ մարտահրավեր է 50%+ ձայն հավաքելը, բայց արտաքին քարտ բլանշներ ունի, տքնաջան աշխատում է»։

Հաղորդումն ամբողջությամբ՝ տեսանյութում։

Ռոբերտ Անանյան