01.04.2026 | 12:59
Բաղդադում ամերիկացի լրագրող է առևանգվել
Հնարավոր չէ առանց խիզախության լինել արդյունավետ քննիչ․ Նիկոլ Փաշինյանի խոսքը ՔԿ ծառայողի օրվան նվիրված նիստին․ ՏԵՍԱՆՅՈՒԹ
Հասարակություն
08.10.2025 | 16:35
«Պետք է աշխատել հստակ, կանոնակարգված և արդյունավետության շարունակական բարձրացման վրա։ Մենք ամեն հաջորդ փուլին պետք է արձանագրենք, որ ավելի արդյունավետ ենք աշխատում, ավելի արդյունավետ ենք հանցագործությունները բացահայտում, ավելի արդյունավետ ենք կանխում և նախականխում հանցագործությունները և ավելի արդյունավետ ենք կատարում մեր աշխատանքը»,- այսօր Քննչական կոմիտեի ծառայողի օրվան նվիրված հանդիսավոր նիստին ասել է ՀՀ վարչապետ Նիոլ Փաշինյանը։
Վերջինս նշել է, որ հնարավոր չէ լինել արդյուավետ քննիչ՝ առանց խիզախության։ Վարչապետն անդրադարձել է նաև Մերձավանում տեղի ունեցած աղմկահարույց սպանություններին, ինչպես նաև՝ Քննչական կոմիտեից իրեղեն ապացույց 590 հզ դոլար գումարի հափշտակության դեպքերին։
«Մենք պետք է բալանսավորենք, հասկանանք, որ, այնուամենայնիվ, ինչքան էլ իդեալի ձգտենք, նախ պետք է հասկանանք, որ չենք հասնելու դրան: Մեզ պետք է աշխատել հստակ, կանոնակարգված և արդյունավետության բարձրացման՝ շարունակական արդյունավետության բարձրացման վրա։ Ինձ թվում է՝ իդեալը կամ իդեալի պատկերացումը դա է, որ մենք ամեն հաջորդ փուլի պետք է արձանագրենք, որ ավելի արդյունավետ ենք աշխատում, ավելի արդյունավետ ենք հանցագործությունները բացահայտում, ավելի արդյունավետ ենք կանխում և նախականխում հանցագործությունները»,- ասել է Փաշինյանը:
Վարչապետը նշել է, որ իրավապահ մարմինների մեծագույն խնդիրը պետք է լինի ոչ միայն հանցագործությունների բացահայտումը, այլև կանխումն ու նախականխումը:
«Այն, որ Քննչական կոմիտեն շատ կարևոր ինստիտուցիոնալ դերակատարում ունի Հայաստանի պետական, հանրային անվտանգության, իրավակարգի պաշտպանության առումով, իհարկե, դա ակնհայտ փաստ է: Ըստ էության, քննչական համակարգի բարեփոխումները մենք ավարտել ենք, հիմա ունենք երկու քննչական մարմին և արդեն երկրորդ տարին է, որ մենք այս համակարգով ենք աշխատում: Հիմա պետք է հետևենք, նաև ընթացքը հասկանանք: Հույս ունեմ՝ պտուղները քաղելու ժամանակ կգա, չնայած պետք է ասել, որ ընդհանուր առմամբ, իհարկե, տպավորությունները դրական են»,-ասել է Նիկոլ Փաշինյանը:
Նա նաև նշել է, որ պետք է ունենալ բավարար խիզախություն՝ գնալ և առերեսվել, այդ թվում՝ պետական համակարգերի կատարած աշխատանքի թերությունների հետ. «Սրանով առավելությունները, իմ կարծիքով, ավելի կընդգծվեն: Մենք պետք է թերություններն էլ ընդգծենք, և շնորհակալ եմ, որ Քննչական կոմիտեի նախագահն անդրադարձավ, որպեսզի հանրության շրջանում չստացվի տպավորություն, թե Կառավարությունը, Քննչական կոմիտեն գոհ են իրականությունից: Ո՛չ, մենք բոլոր պրոբլեմները գիտենք»:
Քննչական կոմիտեի ծառայողի օրվա կապակցությամբ մի շարք ծառայողներ պարգևատրվել են ՀՀ վարչապետի շնորհակալագրերով, ՀՀ վարչապետի հուշամեդալներով և արժեքավոր նվերով:
