04.12.2025 | 23:29
Թուրքիայում լրագրողին մեղադրանք է առաջադրվել Հայոց ցեղասպանության հետ կապված հոդվածով
Քոչարյանը կոռուպցիայի բացարձակ չեմպիոն է․ դատախազությունն ինձնի՞ց է ուզում բռնագանձել 200 մլն դոլար ապօրինի գույք․ Ռուբեն Ռուբինյան․ ՏԵՍԱՆՅՈՒԹ
Քաղաքականություն
08.10.2025 | 21:00
ԱԺ փոխնախագահ, «Քաղաքացիական պայմանագիր» կուսակցության վարչության անդամ Ռուբեն Ռուբինյանը Factor TV-ի հետ զրույցում ասում է, որ լուրջ չի վերաբերվում Ռոբերտ Քոչարյանի այն հայտարարությանը, թե Նիկոլ Փաշինյանի վերընտրվելու շանսը ձգտում է զրոյի․ «Քոչարյանի ո՞ր ասածն է լուրջ․ քոք էր մաշեցնում 2021-ին, ի՞նչ կասի, մաշա՞ծ է մեր քոքը, կրելու էին, չէ՞»։
Ռուբինյանը հակադարձում է երկրորդ նախագահի այն պնդմանը, թե Փաշինյանը կոռուպցիայի պարագլուխն է, քանի որ «Հայաստան» համահայկական հիմնադրամից և ԱՆԻՖ-ից փոշիացվել են միլիոններ․ «Քոչարյանը կոռուպցիայի բացարձակ չեմպիոն է․ դատախազությունը ինձնի՞ց է ուզում բռնագանձել 200 մլն դոլար ապօրինի գույք։ Ո՞նց ստացվեց՝ հենց Քոչարյանի տղան 21 տարեկանում միլիոնատեր դարձավ․ Փաշինյանը ունի՞ 200 մլն դոլար, ո՛չ։ Քոչարյանին հրավիրում եմ՝ արի գրպանս ստուգիր, 200 մլն դոլար փող կա՞, բայց թող խասյաթի համաձայն՝ բան չտանի․ ի՞նչ կոռուպցիա»։ ԱԺ-ի ՔՊ-ական փոխխոսնակը նաև արձագանքեց ՀՀԿ փոխնախագահ Արմեն Աշոտյանի՝ Նիկոլ Փաշինյանին ուղղված բանավիճելու առաջարկին․ «Կբանավիճեմ՝ Սերժ Սարգսյանի, Աշոտյանի, Շարմազանովի, ՀՀԿ տատիկի, Զուրաբյանի հետ, ընդ որում՝ բոլորի հետ միանգամից․ հրավիրո՛ւմ եմ հենց հիմա»։ Նա անդրադարձավ այն գնահատականներին, թե իշխանությունը թաքցնում է 2019-ի խաղաղության պլանը, և որ Փաշինյանն է պատերազմ սադրել․ «Ընտրակեղծարար 3 նախագահները մաքրագործում են Ադրբեջանին, Թուրքիային, ՌԴ-ին, պատերազմի մեղքը բարդում ՀՀ-ի վրա, նրանց խղճուկ թեզն է, թե ՀՀ-ն մերժեց 2019-ի պլանը, և պատերազմ եղավ․ իսկ Ադրբեջանն ընդունե՞լ էր»։
Հաղորդումն ամբողջությամբ՝ տեսանյութում։
Ռոբերտ Անանյան
