27.03.2026 | 18:10
Պետական դավաճանության մեջ մեղադրվողն արդարացվեց // Միրզոյան-Բայրամով հեռախոսազրույց է տեղի ունեցել․ ԼՈՒՐԵՐ
Հայաստանի և Ադրբեջանի միջև խնդիրները հնարավոր չէ լուծել առանց ՌԴ մասնակցության. Դաշնային խորհրդի անդամ
Քաղաքականություն
07.10.2025 | 17:35
Մենք գոհ ենք, որ Հայաստանի և Ադրբեջանի միջև այսօր ռազմական գործողություններ չկան, իսկ ինչ վերաբերում է այն ծրագրին, որը ներկայացրել է ԱՄՆ նախագահ Դոնալդ Թրամփը՝ «Թրամփի ուղին», այնքան էլ հեշտ իրականացվող չէ։ Այս մասին հայտարարել է ՌԴ Դաշնային խորհրդի միջազգային հարաբերությունների հանձնաժողովի փոխնախագահ Վլադիմիր Ջաբարովը։
«Բազմաթիվ հարցեր են առաջանում, հատկապես՝ հաշվի առնելով, որ Թրամփի վարչակազմը տարածաշրջանից հազարավոր կիլոմետրեր հեռու է։ Այստեղ կան Ռուսաստանը, Թուրքիան, Իրանը։ Ուստի դա պետք է լինի խաղաղության, համագործակցության ճանապարհ, ձեռնտու լինի բոլոր կողմերին` և՛ Հայաստանին, և՛ Ադրբեջանին»,- ասել է նա։
Ըստ ռուսաստանցի պաշտոնյայի՝ Ռուսաստանը շարունակում է կարևոր դերակատարում ունենալ Հարավային Կովկասի կայունության ապահովման գործում։
«Առանց Ռուսաստանի մասնակցության չի հաջողվի մինչև վերջ լուծել Հայաստանի և Ադրբեջանի միջև բոլոր խնդիրները։ Ռուսաստանը եղել է ու կա այն երկիրը, որը շահագրգռված է կայուն Հարավային Կովկասով, ինչպես Հայաստանի, այնպես էլ Ադրբեջանի հետ բարեկամական հարաբերություններով։ Այդ ճանապարհը պետք է օգտագործվի բոլոր պետությունների զարգացման համար, ոչ թե երրորդ երկրների շահերի։ Կարծում եմ՝ Թրամփը արել է իր գործը, բայց հիմա չի էլ հետաքրքրվում՝ ինչ է կատարվում»,- հայտարարել է Ջաբարովը։
Թարգմանությունը՝ Էմմա Չոբանյանի
