29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Շաքիի ջրվեժում «Գենդեր փարթիի» կազմակերպիչը տուգանվել է 80․000 դրամով
Հասարակություն
07.10.2025 | 16:10
Շաքիի ջրվեժում «Գենդեր փարթի» իրականացրած անձը տուգանվել է 80․000 դրամով։ Այս մասին Factor.am-ի հարցին ի պատասխան ասացին Բնապահպանության և ընդերքի տեսչական մարմնից։
Նշենք, որ հոկտեմբերի 5-ին Սիսիան քաղաքի բնակիչ Ա.Օ.-ն Շաքիի ջրվեժում «գենդեր փարթի» է իրականացրել՝ ջրվեժը գունավորելու նպատակով օգտագործելով սննդային հավելում համարվող գունանյութ։
Շաքիի ջրվեժի մոտ գենդեր–փարթի կազմակերպվելով՝ խախտվել է բնության հուշարձանի պահպանության ռեժիմը․ ՇՄՆ
«Հարուցված վարչական վարույթի շրջանակում լաբորատոր հետազոտության նպատակով կատարվել են ջրի նմուշառումներ։ Ջրի որակի փոփոխության դեպքում կհաշվարկվի ջրային ռեսուրսներին պատճառված վնաս»,- երեկ հայտնել էին տեսչական մարմնից։
Ընդգծենք, որ Շաքիի ջրվեժը հանդիսանում է բնության ջրաերկրաբանական հուշարձան, որտեղ ցանկացած նմանատիպ միջոցառում արգելվում է։
Արփի Հակոբյան
