09.06.2026 | 00:17
Մարկո Ռուբիոն շնորհավորել է Փաշինյանին
Վարդան Ղուկասյանի մեքենան ճանապարհային կանոնների խախտումներ է արել
Հասարակություն
07.10.2025 | 13:50
Գյումրիի քաղաքապետարանի Ֆեյսբուքի պաշտոնական էջում տեղեկություն էր տարածվել այն մասին, որ պարեկային ծառայության աշխատակիցները կանգնեցրել են քաղաքապետ Վարդան Ղուկասյանի ծառայողական ավտոմեքենան` պահանջելով քարշակով այն տեղափոխել ոստիկանության բաժին։ Այնինչ՝ ՆԳՆ-ից Factor.am-ին տեղեկացրին, որ մեքենան հատուկ պահպանվող տարածք չի տեղափոխվել, բայց այն վարել են ճանապարհային երթևեկության կանոնների խախտումներով:
«Կազմվել է արձանագրություն և ժամանակ է տրվել՝ մյուս խախտումը վերացնելու համար»,- հայտնում են ՆԳՆ-ից: Մյուս խախտումը, հավանաբար, վերաբերում է մեքենայի տեխնիկական խնդրին: Գյումրիի քաղաքապետարանի էջը հաղորդագրության մեջ նշել էր, որ պարեկային ծառայողները նշել են, որ մեքենան ունի տեխնիկական խնդիր և զրահապատ է` ենթակա չէ շահագործման սահմանված կարգով:
Արփի Հակոբյան
