19.12.2025 | 21:15
Գարեգին Բ-ն մտադիր չէ հեռանալ․ քաղաքական գնահատականներ՝ Մայր Աթոռում տեղի ունեցածի շուրջ
Փաշինյանի հետ բանավիճելը տոքսիկ է. Քոչարյան․ ՏԵՍԱՆՅՈՒԹ
Քաղաքականություն
07.10.2025 | 13:52
«Կար պատճառ, հարց, որի շուրջ բանավիճելու ձեռնոց է նետվել, հիմա այդ հրավերը բոլորը մոռացել են։ Բանավեճ բառը սկսել է ապրել ինքն իր կյանքով»,- այս մասին հրավիրված մամուլի ասուլիսի ժամանակ ասաց ՀՀ երկրորդ նախագահ Ռոբերտ Քոչարյանը՝ պատասխանելով հարցին, որ Նիկոլ Փաշինյանը երեք նախագահներին բանավիճելու է հրավիրում, արդյո՞ք ինքը պատրաստվում է արձագանքել այդ առաջարկին։
Նա «բանավիճել» բառը համեմատեց խաղաղության հետ, որը բոլորը կիրառում են՝ մոռանալով պատերազմի վտանգների մասին։
«Բանավեճը եղել է Արցախի շուրջ։ Որևէ ողջամիտ մարդ առանց լուրջ թղթի պատրա՞ստ է նստել և բանավիճել դրա շուրջ։ Եկե՛ք՝ նստենք բանավիճենք՝ երկրագունդը կլո՞ր է, թե՞ կլոր չէ։ Ես պատրաստ չեմ»,- նշեց նա։
Քոչարյանը հայտարարեց, որ Նիկոլ Փաշինյանի հետ բանավիճելը «տոքսիկ» է։
Քոչարյանի այս հայտարարությունից որոշ ժամանակ անց վարչապետ Նիկոլ Փաշինյանը դարձյալ նախկին նախագահներին հիշեցրել է նրանց բանավեճի հրավիրելու առաջարկը՝ ֆեյսբուքյան էջում գրելով․ «Դուք եռյակով էն ասեք՝ բանավեճի գալու՞ եք, թե ոչ»։
Հիշեցնենք՝ Նիկոլ Փաշինյանը դեռ նախորդ տարվա դեկտեմբերից հանրապետության նախկին ղեկավարներին հրավիրել էր բանավեճի Արցախի բանակցային գործընթացի շուրջ։ Այս ընթանցքում Փաշինյանը մի քանի անգամ իր առաջարկը կրկնել է, սակայն, նախկին երեք նախագահները մերժումեն Փաշինյանի հետ բանավիճելու առաջարկը։
Մանրամասները՝ տեսանյութում։
Մանյա Պողոսյան
