12.01.2026 | 19:25
Մարիո Բալոտելին նոր ակումբ ունի․ ԼՈՒՍԱՆԿԱՐ
Թուրքիայի ԱԳ նախարարը գոհունակություն է հայտնել Վաշինգտոնում Ադրբեջանի և Հայաստանի կողմից ստորագրված համատեղ հռչակագրի կապակցությամբ
Քաղաքականություն
07.10.2025 | 15:48
Տարածաշրջանում մշտական խաղաղության ու երկարատև կայունության հասնել հնարավոր է միայն Թյուրքական պետությունների կազմակերպության բոլոր անդամների միջև շարունակական համակարգման և գործընկերության ամրապնդման միջոցով։ Այս մասին հայտարարել է Թուրքիայի ԱԳ նախարար Հաքան Ֆիդանը Ադրբեջանի Գաբալա քաղաքում կայացած Թյուրքական պետությունների կազմակերպության արտաքին գործերի նախարարների խորհրդի նիստում։
Նա նշել է, որ թյուրքական աշխարհն այժմ պետք է լինի տարածաշրջանային հավասարակշռությունը ձևավորող առանցքային դերակատար, և որ Թյուրքական պետությունների կազմակերպության ամենամեծ ուժն անդամների միջև խորացող փոխադարձ վստահությունն ու համագործակցությունն է։
Ֆիդանն իր խոսքում անդրադարձել է նաև Հայաստանի և Ադրբեջանի միջև խաղաղության գործընթացին։ Նա նշել է Հարավային Կովկասում մշտական խաղաղության հասնելու գործում գրանցված նշանակալի առաջընթացը, որը վճռական նշանակություն ունի ընդհանուր աշխարհագրության կայունության համար, նաև վերահաստատել իր գոհունակությունը օգոստոսի 8-ին Վաշինգտոնում Ադրբեջանի և Հայաստանի կողմից ստորագրված համատեղ հռչակագրի կապակցությամբ։
Թուրքիայի ԱԳ նախարարի խոսքով՝ այս ձեռք բերված ազդակի շնորհիվ տարածաշրջանում նոր տրանսպորտային և հաղորդակցական գծերի բացումը կնպաստի պատմական Մետաքսի ճանապարհի վերակենդանացման ջանքերին։
Թարգմանությունը՝ Էմմա Չոբանյանի
