12.01.2026 | 12:30
«Բրավո՛, Հայաստան»․ Քոնոր Մաքգրեգորը պատմել է իր երազանքի մասին
Մերձավանի գերեզմանոցում վիճաբանություն է եղել, կոտրել են գերեզմանաքարը. կան ձերբակալվածներ, վարույթ է նախաձեռնվել
Հասարակություն
07.10.2025 | 13:06
Երեկ գիշեր միջադեպն է եղել Մերձավանի գերեզմանոցում. կոտրել են Փարաքարի սպանված համայնքապետ Վալոդյա Գրիգորյանի գործով կալանավորված Նարեկ Օհանյանի եղբոր՝ փետրվարին սպանված Գրիգոր Օհանյանի գերեզմանաքարը։ Factor.am-ը արձանագրել է գերեզմանի կողքին շիրմաքարի կտորները:
ՆԳՆ-ից հայտնում են, որ 5 քաղաքացի ձերբակալվել է:
«Ոստիկանների օպերատիվ տվյալներով պարզվել է, որ վիճաբանություն է եղել մի խումբ անձանց միջև: Ոստիկանները կանխել են հետագա զարգացումները»,- փոխանցեցին ՆԳՆ-ից:
Կառույցից հայտնում են նաև, որ հաղորդում են ներկայացվել նաև շիրմաքարի վնասման դեպքի առնչությամբ:
Նախաքննական մարմնից տեղեկացանք, որ քրեական վարույթ է նախաձեռնվել գերեզմանն անարգանքի ենթարկելու հոդվածով:
Մեր տեսախցիկն այսօր Մերձավանում արձանագրել է, որ դեպի գերեզմանատուն տանող ճանապարհին հսկողություն է իրականացնում պարեկային ծառայությունը: Իսկ Վալոդյա Գրիգորյանի շիրիմը հսկում են նրա հարազատները:
Արփի Հակոբյան
