Ամոթ չե՞ք անում, Հայաստանի գրավիչ հատվածը հանձնել են ԱՄՆ-ին, Իրանի հետ ստեղծել եք ռիսկեր. Քոչարյան․ ՏԵՍԱՆՅՈՒԹ

«Վաշինգտոնում ԱՄՆ-ը շատ կոնկրետ ստացել է վերահսկողություն միջանցքի նկատմամբ։ Ստացել է Իրանի հետ սահմանի փաստացի վերահսկողություն։ Ադրբեջանը ստացել է միջանցքի իրավունք ՀՀ տարածքով, ստացել է ԵԱՀԿ Մինսկի խմբի չեղարկում, 907-րդ բանաձևի չեղարկում»,- այս մասին հրավիրված ասուլիսի ժամանակ ասաց ՀՀ երկրորդ նախագահ Ռոբերտ Քոչարյանը։

Ըստ Քոչարյանի՝ օգոստոսի 8-ի համաձայնագրից Հայաստանը ստացել է զրո արդյունք և միայն պրոբլեմներ, իսկ Նիկոլ Փաշինյանը՝ Թրամփի ստորագրությամբ լուսանկար և իրավական ուժ չունեցող փաստաթուղթ, որը հնարավորություն է տալիս «ևս մեկ անգամ խաբել ժողովրդին»։

«Նիկոլ Փաշինյանը Սպիտակ տանը եղել է դեկորացիայի դերում․ այնտեղ կար, սեղան, աթոռ, նկար, դրոշ կար և Փաշինյան կար»,- տեսակետ հայտնեց նա։

Քոչարյանն անդրադարձավ նաև «Խաղաղության խաչմերուկ» նախագծին։ Նախկին նախագահը քարտեզի վրա անդրադարձավ ենթակառուցվածքների տրանզիտային ներուժին։

«ՀՀ-ի տարածքի այն հատվածը, որն ունի տրանզիտային ներուժ տրվում է ԱՄՆ-ին՝ երկարատև վերահսկողության։ Այդ հատվածն ունի նաև աշխարհաքաղաքական կշիռ։ Հայաստանը կարող էր պնդել, որ Թրամփի ճանապարհը լիներ ոչ թե 42 կիլոմետրանոց, այլ առնվազն 4-5 անգամ ավելի երկար՝ մինչև Երասխ, և այդ դեպքում նույն պայմաններով կողմերի վրա, պատասխանատվությունը լիներ հենց ԱՄՆ-ի վրա։ Բա ամո՞թ չեք անում ՀՀ-ի ամենագրավիչ կտորը հանձնել եք ԱՄՆ-ին, Իրանի հետ ստեղծել եք ռիսկեր»,- հարց բարձրացրեց նա։

Մանրամասները՝ տեսանյութում։

Մանյա Պողոսյան